Chapter 87

Na nona yavu sa tu mai na ulunivanua Tabu.
2 O Jiova sa rui taleitaka na matamata kei Saioni mai vei ira kece nai tikotiko nei Jekope.
3 Na ka lagilagi sa cavuti me baleti iko, na koro ni Kalou! – Sela.
4 "Au na cavuti Reapi, kei Papiloni vei ira sa tukuni Au. Sa dina sara, o Filisitia, o Taia, kei Iciopea: 'O ira oqo, sa sucu eke.'"
5 Io, vei Saioni, ena tukuni vaka oqo, "O koya oqo kei koya o ya, e rau sa sucu mai vua; O koya sa cecere sara, ena vakataudeitaki koya."
6 O Jiova sa vakadeitaka, e na gauna sa na volai ira kina na nona tamata; "O koya oqo sa sucu mai keya." Sela.
7 Oi rau na daunisere kei na daunivakatagi e rau na tukuna, "Na neirau i vurevure kece sa tiko vei iko."