Healing


  • Feureuman TUHAN, "Taát kheueh gata ubak Ulôn deungon biet-biet taát, dan gata keureuja kheueh peue nyang Ulôn ngieng gét; seutôt kheueh banmandum nyang Ulôn peurintah. Meunyoe gata tapeubuet lagée nyan, gata hana teuma Lôn huköm ngon peue-peue mantong peunyakét nyang ka Ulôn peu rhot ateueh ureuëng Meusé. Ulôn kheueh TUHAN nyang peupuléh gata." Keuluaran 15:26
  • woe ubak Hizkia, raja umat TUHAN, dan geupeutrok peusan nyoe, "Ulôn, TUHAN, Po teu Allah nyang jiseumah lé Nabi Daud indatu gata, ka Lôn deungoe doá gata dan Lôn kalon ié mata gata. Ulôn kupeupuléh gata, lusa gata tajak ubak Baét Ulôn. 2 Raja-Raja 20:5
  • TUHAN tô that ubak ureuëng nyang peu-ubit até; Gobnyan geupeuseulamat ureuëng nyang ka patah seumangat. Zabur 34:19
  • Gobnyan nyang peuamphon banmandum desya gata, nyang peupuléh banmandum peunyakét gata, Zabur 103:3
  • Gobnyan geupeupuléh awaknyan deungon peurintah Gobnyan, dan geupeusie awaknyan nibak uruek jrat. Zabur 107:20
  • Gobnyan nyang peuteuga ureuëng nyang hék, geubri seumangat keu ureuëng nyang hana meudaya. Nabi Yesaya 40:29
  • Teuma geuhnyan geupeuluka sabab desya-desya geutanyoe, geupeujra sabab buet jeuhet geutanyoe, Gobnyan teuhuköm mangat geutanyoe teupeuseulamat sabab lé darah Gobnyan geutanyoe geupeupuléh. Nabi Yesaya 53:5
  • Bahpi musoh gata jipeugah, 'Sion ka jiböih, dan hana nyang tem kalon,' teuma gata Lôn peujeuet seuhat lom, dan luka-luka gata Lôn peu ubat teuma." Nabi Yeremia 30:17
  • Teuma keu gata nyang taát ubak Ulôn, kuasa Ulôn nyang Lôn peuseulamat teubiet lagée mata uroe, dan cahya jih nyan jeuet keu-ubat peupuléh. Gata beubaih dan geumbira lagée aneuëk leumô nyang ban teupeuteubiet lam weue. Malachi 4:2
  • Bak siuroe Isa geuhôi ban dua blaih droe murit Gobnyan keu geujak meusapat. Laju geubri ubak awaknyan kuasa mangat jeuet geu-use roh-roh jeuhet meunan cit jeuet geupeu puléh sigala macam peunyakét dan meubagoe macam cacat tuboh. Matius 10:1
  • Sibagoe bukeuti bahwa awaknyan jipeucaya, gata teuma ta use bubena roh jeuhet ateueh nan Ulôn; awaknyan jimeututoe lam basa-basa nyang hana awaknyan teupeu. Meunyoe awaknyan jimat uleue atawa ji jieb ié tuba, ateueh awaknyan hana keunong bala. Meunyoe awaknyan jikeubah jaroe ateueh ureuëng-ureuëng sakét, ureuëng nyang sakét nyan teuma puléh." Markus 16:17-18
  • Watée geungieng lé Isa awaknyan, laju geupeugah bak awaknyan, "Gata jak kheueh ubak Imeum-imeum dan gata peureksa laju peue peunyakét gata nyan." Teungoh awaknyan geujak, peunyakét awaknyan laju puléh. Lukas 17:14
  • Petrus geupeugah bak Eneas, "Eneas, Isa geupeu puléh gata. Beudôh kheueh dan peukeumah laju teumpat éh gata." Watée nyan cit teuma Eneas jibeudôh. Kisah Rasui-Rasui 9:34
  • Teuma mangat ulôn bék lumpah that sombong sabab keumalon-keumalon nyang luwabiasa nyan, ulôn geubri simacam peunyakét nibak tuboh lôn nyang rupari alat Iblih. Peunyakét nyan geubri keu nyang seupôt ulôn mangat ulôn bék jeuet keu ureuëng sombong. Lhée goe ulôn meudoá ubak Tuhan mangat jeuet peunyakét nyan geucok nibak ulôn. Teuma Tuhan geujaweueb, "Ulôn kugaséh gata dan nyan ka seb keugata; sabab kuasa Ulôn keubiet that teuga meunyoe gata lam keuadaan leumoh." Nyang kheueh sabab jih ulôn leubeh galak lôn peubangga hai-hai lôn nyang leumoh, sabab meunyoe ulôn ka leumoh, dan bak watée nyan kheueh ulôn rasa Almaseh geulindong ulôn ngon teunaga Gobnyan. 2 Korintus 12:7-9
  • Gata jak kheueh sabe ateueh rot nyang sare, mangat gaki gata nyang capiek nyan hana meusalah, teuma jeuet keu puléh. Ibrani 12:13
  • Meunyoe na nyang sakét, bah kheueh jihôi peumimpén-peumimpén jeumaáh. Dan bah kheueh mandum peumimpén nyan geumeudoá keu ureuëng nyang sakét nyan dan jisiliek ngon minyéuk ateueh nan Tuhan. Meunyoe doá awaknyan jipeutrok ngon yakén, Tuhan teuma geupeu puléh ureuëng nyang sakét nyan, dan teupeu amphon desya-desya nyang ka jipeubuet. Sabab nyan, bah kheueh gata saléng ta angkée nyang salah dan saléng gata meudoá, mangat gata geupeu puléh. Doá ureuëng nyang jiseutôt keuheundak Allah, na kuasa nyang paleng rayeuk. Yakobus 5:14-16