Children


  • Gata peurunoe kheueh ubak aneuëk-aneuëk gata. Bah kheueh hainyoe gata peugah sabe bah nyan di dalam rumoh meunan cit di luwa rumoh, watée gata meureuhat dan nibak watée gata meukeureuja. Kitab Teu-Ulang 6:7
  • Simak kheueh beujroh-jroh peue-peue nyang ka ulôn peurintah ubak gata, deungon nyan gata ka tapeubuet nyang jroh dan geugalak lé TUHAN Po teu Allah gata, deungon nyan teuma gata dan keuturonan gata seulamat dan seujahtra keu siumu masa." Kitab Teu-Ulang 12:28
  • Nabi Musa geupeugah, "Gata seutôt kheueh banmandum peurintah nyang ulôn peusampoe ubak gata nibak uroe nyoe. Gata peurunoe kheueh nyan ubak aneuëk-aneuëk gata, mangat awaknyan deungon seutia jipeubuet banmandum huköm TUHAN. Ajaran nyan bukon kheueh ajaran kosong nyang hana meumakna, teuma na kheueh ajaran nyang udeb. Taát kheueh ubak banmandum peurintah nyang na teutuléh didalam nyan, mangat umu gata panyang di dalam nanggroe nyang hana treb le gata duek di meurandeh Krueng Yordan." Kitab Teu-Ulang 32:46,47
  • Bak watée ulôn ngieng rakyat teumakot that, laju ulôn peugah ubak awaknyan dan ubak banmandum ureuëng patot-patot ngon peumimpén-peumimpén, "Bék teumakot keu musoh! Ingat kheueh ubak TUHAN nyang teuga dan peukasa, dan meujuang kheueh keu kawöm syedara gata, aneuëk miet, ureuëng binoe dan rumoh gata!" Nehemia 4:14
  • Singa-singa pih deuk sabab kureueng peunajoh; teuma ureuëng nyang seumah TUHAN hana kureueng sapeue pih. Zabur 34:11
  • Ureuëng muda hase jipeuteun udeb jih hana meucupa meunyoe jihnyan udeb nyang sisuai deungon peurintah Droeneueh. Zabur 119:9
  • Seumoga aneuëk-aneuëk agam geutanyoe yoh masa muda jih lagée sinaman nyang teungoh rayeuk. Seumoga aneuëk-aneuëk inong geutanyoe lagée taméh jeulita, nyang teuhias di jeueb-jeueb taméh meuligoe. Zabur 144:12
  • Bék kheueh tuwoe gata deungon peue nyang ka ulôn peurunoe keu gata, hai aneuëk ulôn. Ingat kheueh sabe ubak peurintah ulôn, Amsal 3:1
  • TUHAN geuseunuét ureuëng nyang geucinta nyan, saban cit lagée sidroe ayah geuseunuét aneuëk gobnyan nyang lumpah geugaséh. Amsal 3:12
  • ulôn geupeuruno lé ureuëng syiek lôn. Gobnyan geupeugah lagée nyoe, "Ingat kheueh ubak naseuhat-naseuhat ulôn, bék kheueh sagai-sagai gata tuwoe. Peujak kheueh peue nyang ulôn bri peutunyok, mangat udeb gata bahgia. Beujeuet kheueh keu ureuëng nyang bijaksana dan carông! Ingat kheueh sabe ubak naseuhat-naseuhat ulôn dan bék kheueh taböih jiôh-jiôh." Amsal 4:4,5
  • Lé sababnyan, deungoe kheueh ulôn, hai ureuëng muda! Taturot kheueh peutunyok ulôn, teuma gata bahgia. Teurimong kheueh peutuwah dan jeuet kheueh keu ureuëng bijaksana, bék kheueh gata anggab phui hainyan. Amsal 8:32-33
  • Hana teutem poh aneuëk, saban cit hana teugaséh keu aneuëk nyan; meunyoe cinta, harôh tajeuet tapoh aneuëk nyan. Amsal 13:24
  • Peuteureuteb laju aneuëk gata simantong na harapan; meunyoe hana, saban cit gata meuharab ubak keuhancoran. Amsal 19:18
  • Aneuëk-aneuëk manyak meu-untông that meunyoe na ureuëng syiek nyang jroh dan udeb nyang teupat.Amsal 20:7
  • Peurunoe kheueh ubak sidroe aneuëk cara udeb nyang patot keu aneuëk nyan, dan sampoe án tuha aneuëk nyan teuma udeb lagée nyang ka teupeurunoe nyan. Amsal 22:6
  • Ka sipatöt jih aneuëk-aneuëk manyak jipeubuet hai-hai nyang bangai, teuma ngon awe jeuet teusunuet aneuëk nyan mangat pi-e jih meu-ubah. Amsal 22:15
  • Bék seugan-seugan gata didek aneuëk-aneuëk gata. Meunyoe gata seunuét aneuëk gatanyan deungon awe, aneuëk nyan hana maté, Amsal 23:13
  • Bandum peunduduek gata jeuet keu murit Lôn, dan awaknyan teuma makmu seujahteura. Nabi Yesaya 54:13
  • Óh ka lheueh seuleusoe awaknyan jimakheun, Isa geupeugah bak Simon Petrus, "Simon, aneuëk Yona, peu kheueh gata leubeh ta gaséh Ulôn nibak awaknyan nyoe nyang gaséh Ulôn?" "Beutôi, Tuhan," jaweueb Petrus, "Tuhan neuteupeue bahwa ulôn cinta that keu Tuhan." Óh lheueh nyan geupeugah lom lé Isa bak gobnyan, "Peulara kheueh aneuëk bubiri Lôn." Yahya 21:15
  • Syedara-syedara nyang jeuet keu bapak! Bék kheueh gata peusakét aneuëk-aneuëk gata leubeh nibak patot sampoe aneuëk gata nyan beungéh. Seubalek jih, peurayeuk kheueh aneuëk gata nyan ngon iétikeuet nyang jroh dan peungajaran nibak Tuhan. Efesus 6:4
  • Hei gata-gata nyang jeuet keu ayah! Bék gata peusakét até aneuëk-aneuëk gata akhé jih aneuëk gata nyan jeuet keuputôh asa. 22 Hei gata-gata nyang jeuet keu namiet! Lam hai peue mantong, bah kheueh gata taát ubak po gata nyang lam donya nyoe. Bék kheueh taát ubak awaknyan watée awaknyan teungoh jikeumiet gata, sabab gata meuheuét jipujoe. Taát kheueh ubak awaknyan ngon até nyang ikhlaih, sabab gata tahoreumat Tuhan. Kolose 3:21
  • Ureuëng nyan jiteupeu atoe rumoh tangga deungon jroh, dan carông jididek aneuëk-aneuëk jih beujitaát dan horeumat keu jih. 1 Timotius 3:4
  • Ajaran nyang yoh masa ilée ka gata deungoe nibak ulôn dikeue rakyat ba, bah kheueh gata patéh ubak ureuëng-ureuëng nyang jeuet gata patéh dan nyang carông jipeurunoe ureuëng laén. 2 Timotius 2:2
  • Peujiôh kheueh peue-peue nyang jiharok lé ureuëng muda. Useuha kheueh ubak udeb lagée nyang geulakée lé Allah, seutia nibak ajaran Gobnyan dan teugaséh seusabe manusia, dan na até nyang teuntram. Udeb kheueh ngon awaknyan nyang jilakée tulông ubak Tuhan ngon até nyang murni. 2 Timotius 2:22
  • Dan bék kheueh tatuwoe naseuhat Allah nyoe, nyang geubri ubak gata sibagoe aneuëk-aneuëk Gobnyan: "Aneuëk Lôn, simak kheueh beugét-gét ajaran Tuhan, dan bék kheueh cut até meunyoe Gobnyan beungéh keu gata. Sabab Tuhan geuseupôt tieb-tieb ureuëng nyang geugaséh, dan Gobnyan geusunuét tieb-tieb ureuëng nyang geu angkée sibagoe aneuëk Geuh." Gata teun kheueh meunyoe geusunuét lé Allah sibagoe seupôt lé sidroe bapak. Sabab, peu kheueh na sidroe aneuëk nyang hántom keunong huköm lé ayah jih? Meunyoe gata hana meusajan teuhuköm lagée banmandum aneuëk geuh nyang laén nyoe saban cit gata kon aneuëk sah, teuma aneuëk nyang hana sah. Geutanyoe na bapak lam donya. Gobnyan geupurunoe tanyoe, dan tanyoe horeumat bak gobnyan. Ngon lagée nyan, peu kheueh u ateueh Bapak rohani tanyoe nyang na lam syeuruga, ka teuntée geutanyoe leubeh tatukui lom ubak Gobnyan mangat tanyoe udeb. Ibrani 12:5-9
  • Hana nyang hase jipeujeuet ulôn biet-biet geumbira, watée lôn deungoe aneuëk-aneuëk ulôn udeb meunurot ajaran Allah. 3 Yahya 1:4