Courage


  • Geujaweueb lé Nabi Musa, "Bék yo teuh! Meuteuen kheueh! Gata takalon keudroe peue nyang teuma geupeubuet lé TUHAN keu geupeuseulamat gata. Ureuëng Meusé nyang na gata ngieng nibak saát nyoe, hana teuma gata ngieng le. TUHAN teuma geumeujuang keu gata, dan gata hana peureulée gata peubuet sapeue." Keuluaran 14:13,14
  • "Meunyoe gata tajak muprang gata lawan bube na musoh-musoh gata, bék teumakot watée gata kalon geuritan prang meunan cit deungon guda-guda awaknyan nyang le dan tantra awaknyan nyang jai leubeh nibak jeumeulah gata. TUHAN Po teu Allah gata nyang peubeubaih gata nibak nanggroe Meusé, meunan cit Gobnyan teuma geutulông gata. Kitab Teu-Ulang 20:1
  • TUHAN keudroe nyang bimbeng dan nyang tulông gata. Gobnyan hana teuma geupeukeucewa dan geutinggai gata meunan mantong. Sabab nyan bék kheueh gata takot peuteuk lom gundah até." Kitab Teu-Ulang 31:8
  • Tieb-tieb ureuëng lamkawan gata hase jipeutaloe meuribée ureuëng nibak awaknyan, sabab TUHAN Po teu Allah gata nyang meuprang keu gata, lagée nyang ka geupeujanji nyan. Joshua 23:10
  • Ureuëng nyang seutia bak Gobnyan sabe lam aman dalam lindongan TUHAN. Teuma nyang jeuhet pasti hanco binasa dalam seupôt nyang glab gulita. Teunaga keudroe hana hase teunguile, teunaga manusia hán hase geubri meunang. 1 Samuel 2:9
  • Dan geupeugah kheueh lé Yonatan ubak aneuëk muda nyan, "Jak geutanyoe tajak ubak pos ureuëng Filistin nyang kaphé laknat nyan. Mungken TUHAN geutém tulông geutanyoe. Sabab TUHAN geutem bri keugeutanyoe meunang, bah kheueh deungon ureuëng nyang jai meunan cit deungon ureuëng nyang nit." 1 Samuel 14:6
  • dan banmandum ureuëng disinoe teuma jikalon bahwa TUHAN hana peureulée keu peudeueng atawa kapak mangat teupeuseulamat umat Gobnyan. Gobnyan kheueh nyang peuteuntée rot teumeuprang nyoe dan Gobnyan geuseurah gata lam jaroe kamoe." 1 Samuel 17:47
  • "Tabah kheueh dan yakén kheueh; bék kheueh neutakot ubak raja Asyur atawa ubak pasokan geuh nyan. Teunaga dipihak geutanyoe leubeh raya nibak nyang na dipihak awaknyan. Bak awaknyan nyang na teunaga manusia, teuma nibak geutanyoe na TUHAN Po teu Allah nyang tulông geutanyoe didalam prang." Ban geudeungoe kheun raja droe geuh nyan, rakyat pih meutamah beurani. 2 Tawarikh 32:7,8
  • Ulôn sabe udeb meunurot nyang Droeneueh tunyok dan hana meusimpang nibak Droeneueh. Zabur 17:5
  • Zabur Nabi Daud. Zabur 26:1
  • Soe nyang ba ulôn u Edom? Soe nyang peu taktéh ulôn u banda nyang meukuta nyan? Zabur 60:11
  • Gata na niet keuneuk tapeureubah gobnyan nibak keududuekan gobnyan nyang manyang. Gata galak that tapeugah haba beurakah; deungon babah gata, gata bri beureukat, teuma lam até gata takutok. Zabur 62:5
  • Keubit that bahgia ureuëng nyang tinggai di Baét Droeneueh, dan jimeuca-e nyanyoe pujo keu Droeneueh tieb-tieb watée. Teungoh awaknyan jijak rot Pantôn Baka, teumpatnyan awaknyan ubah sampoe jeuet keu mata ié, ujeuen nyang phon ié jih meulimpah deungon beureukat. Zabur 84:5, 7
  • Gobnyan hana teumakot meunyoe na ureuëng laén jijak peusampoe haba nyang brôk, até ureuëng nyan teugoh dan teutab sabab ji meuiman ubak TUHAN. Ureuëng nyan hana gundah atawa teumakot, sabab jihnyan yakén musoh jihnyan geupeutaloe. Zabur 112:7,8
  • Leubeh gét meulindong ubak TUHAN, nibak teupeu bangga keu manusia. Zabur 118:8
  • Tieb-tieb beungoh neupeu ingat kheueh ulôn keu geunaséh Droeneueh, sabab ubak Droeneueh kheueh ulôn meuharab. Neutunyok kheueh bak ulôn rot nyang ulôn jak, sabab ubak Droeneueh kheueh ulôn meudoá. Zabur 143:8
  • Peucaya kheueh ubak TUHAN deungon sipeunoh até gata, dan bék kheueh gata peubangga peungeurtian gata keudroe. Ingat kheueh ubak TUHAN ateueh peue mantong nyang gata peubuet, dan Gobnyan teuma geutunyok keu gata keuhai udeb nyang leubeh sampoereuna. Amsal 3:5,6
  • TUHAN Nyang Mahamanyang, Po teu Allah kudus Israel, meufeureuman keu umat Gobnyan lagée nyoe, "Tobat kheueh dan teutab kheueh lam keuadaan teunang, teuma gata Lôn peuseulamat. Peucaya kheueh ubak Ulôn deungon até nyang teuntram, teuma gata Lôn bri teunaga." Teuma gata teutab hana tatem! Nabi Yesaya 30:15
  • Malaikat nyan geuyue ulôn jak peusampoe ubak Zerubabel peusan TUHAN nyoe, "Bukon deungon teunaga tantra dan bukon teuma deungon teunaga gata keudroe gata meuhase, teuma na kheueh deungon Roh Ulôn. Zechariah 4:6
  • Ulôn kheueh bak anggô, dan gata cabeueng-cabeueng jih. Ureuëng nyang teutab meusaboh ngon Ulôn dan Ulôn ngon jihnyan, teuma jimuboh le; sabab meunyoe hana Ulôn, gata hana hase tapeubuet sapeue. Yahya 15:5
  • sabab tieb-tieb aneuëk Allah hase jipeutaloe donya nyang jeuhet nyoe. Dan tanyoe tapeutaloe donya nyoe ngon iman geutanyoe. 1 Yahya 5:4