Praise


  • Ni sa veivosaki oti kei ira na tamata o koya, sa lesi ira me ra na lagasere vei Jiova, kei ira me ra na vakavinavinakataka na totoka ni yalosavasava, ni ra sa lako e matadra na mataivalu ka tukuna: "Me vakavinavinakataki o Jiova, Ni sa sega ni mudu na Nona yalololoma." Ia oqo ni ra sa tekivu me ra lagasere ka vakavinavinaka, sa cakava o Jiova nai lawaki ni valu vei ira na Amoni, na Moape kei na ulu-nivanua o Sia, o ira sa tuvai valu vei Juta; ka ra sa vakadrukai. 2 Veigauna 20:21,22
  • Sa qai vosa vei ira na tamata, "Mo ni lako ka kania na kena uro ka gunuva na kena kamikamica, ka vakauta nai votavota vei ira sa sega ni votai vei ira; ni sa tabu na siga oqo me nei Jiova, me kua ni dua e rarawa baleta na marautaki ni Turaga o Jiova sa vu ni noda kaukauwa." Niemaia 8:10
  • Au na vakacaucautaki Jiova ena gauna kecega; na Nona vakavinavinaka ena tiko ga ena gusuqu. Same 34:1
  • O koya ga sa vakacabora na vakavinavinaka sa vakacerecerei Au; kei koya sa vakadodonutaka na nonai valavala, Au na vakaraitaka vua na veivakabulai sa mai vua na kalou." Same 50:23
  • Me sa sinai tikoga na gusuqu ena Nomuni vakacerecerei kei na Nomuni vakaiukuukutaki ena siga taucoko. Same 71:8
  • Io, au na vakanuinui tikoga vei Kemuni ka mo ni vakacerecerei tikotikoga. Same 71:14
  • Sa kalouvinaka o ira na tamata era sa kila na rorogo vinaka oqo! I Jiova, era sa lako voli ena rarama kei na i serau ni Matamuni. Same 89:15
  • Sa ka vinaka na vakavinavinakataka na Kalou kei na lagata na sere vinaka ki na Yacana Tabu, oi Kemuni sa cecere sara; Same 92:1
  • Sa veiliutaki o Jiova, me reki o vuravura taucoko, me ra marau na veiyanuyanu kecega! Same 97:1
  • Dou rekitaki Jiova na yalododonu, ka vakavinavinakataka ni dou sa vakananuma na yacana tabu. Same 97:12
  • Dou kaila ena reki vei Jiova oi kemudou na vanua kecega! Dou qaravi Jiova ena marau, dou lako mai e Matana ena sere. Same 100:1,2
  • Au na seretaka na yalololoma kei na lewa dodonu, vei Kemuni Jiova au na seretaka na vakavinavinaka. Same 101:1
  • Vakacaucautaki Jiova, na yaloqu, kei na ka kecega sa tu e lomamu, mo vakacaucautaka na Yacana Tabu! Vakacaucautaki Jiova, na yaloqu, kakua ni guilecava na ka vivinaka kecega sa cakava vei iko o Koya: Same 103:1,2
  • Mai na cadra ni siga ki na kena dromu me vakavinavinakataki tikoga na Yaca i Jiova. Same 113:3
  • Vakavinavinaka vei Jiova! Seretaka vei Jiova na sere vou, Kei na Nona vakavinavinaka e nai soqosoqo levu ni Nona tamata. Me ra vakavinavinaka ki na Yacana e na meke; Me ra laga sere ena vakavinavinaka ki Vua ena tibereli kei na api. O Jiova sa daurekitaki ira Na nona tamata; ena ukutaki ira na yalomalumalumu ena bula. Me ra reki tiko na Nona tamata e nai ukuuku; Me ra sere vakadomoilevu ena nodra i mocemoce. Same 149:1,3-5
  • Same 150
  • Ia ni sa lomaloma ni bogi na vanua sa masu ka lagasere vua na Kalou o Paula kei Sailasa, era sa vakarogoci rau o ira na kaivesu. Cakacaka 16:25
  • ka dou veivosaki vakai kemudou ena same kei na sere, na sere e vakayalo, ka dou lagata na sere e rogorogo vinaka e lomamudou vua na Turaga, Dou dau vakavinavinaka tikoga vua na Kalou o Tamada, ena yaca ni noda Turaga o Jisu Karisito, Efeso 5:19,20
  • Dou vakavinavinaka ena vuku ni ka kecega; Ni sa loma ni Kalou oqo vei kemudou ena vuku i Karisito Jisu. 1 Cesalonaika 5:18
  • O koya oqo, ena Vukuna, me da sa vakacabora tikotiko ga ena vukuna nai soro ni vakacerecerea na Kalou. Oqori na vua ni tebenigusuda sa vakavinavinaka tikoga Vua. Iperiu 13:15
  • Sa qai dua na domo e rogo mai ena i tikotiko tabu, ka vaka, "Me vakacaucautaki na noda Kalou, vei kemudou na Nona tamata kei kemudou sa rerevaki Koya, vakatalega kina o ira na cecere kei ira sa lolovira!" Vakatakila 19:5