Love


  • O koya oqo, dou cakava vei ira na tamata, na ka sara ga dou vinakata mera cakava vei kemudou, na vunau kei na nodra vosa na parofita e tukuna mai. Maciu 7:12
  • Sa tukuna vua o Jisu, mo lomani Jiova na nomu Kalou ena yalomu taucoko, ena lomamu taucoko, kei na nomu vakasama taucoko. "Oqo nai matai ka i vakaro levu duadua. "Na kena i karua e tautauvata talega; mo lomana na kai nomu me vaka nomu lomani iko. Nai vakaro e dua oqo era sema taucoko mai kina na vo tale ni vunau kei na nodra vosa na parofita. Maciu 22:37-40
  • Sa qai sauma vei ira na Tui, ka vaka, na ka dina oqo Au tukuna vei kemudou, na veika kece sara dou cakava vua e dua na noqu i tokani oqo, dou sa cakava tiko vei Au. Maciu 25:40
  • "Ni sa lomani vuravura na Kalou, sa solia kina na Luvena e dua ga, ni o koya vakayadua ga sa vakabauti Koya, ena sega ni rusa, sa na rawata ga na bula e sega ni mudu. Joni 3:16
  • Nai Vakaro Vou Au sa solia vei kemudou, "Mo dou veilomani vakai kemudou; me vaka Au sa lomani kemudou, dou veilomani vakakina. Ena ka oqori, era na kila kecega ni dou sa Noqu tisaipeli, kevaka sa tu vei kemudou na veilomani vaka i kemudou. O Jisu Sa Yalataka Na Veicakitaki Nei Pita Joni 13:34, 35
  • "Kevaka dou sa lomani Au, dou maroroya na Noqu i vakaro. Joni 14:15
  • "O koya sa tiko vua na Noqui vakaro ka maroroya tiko, sai koya ga oqo sa lomani Au. O koya sa lomani Au, sa na lomani koya talega o Tamaqu. Au na lomani koya ka Au na vakatakilai Au vua." O Jiutasa (sega ni o Isikarioti) sa tukuna vua, "Turaga, ena rawa vaka cava oqo ena Nomuni vakatakilai Kemuni vei keimami ka sega ki vuravura?" Sa sauma vua o Jisu, "kevaka e dua sa lomani Au, ena maroroya na Noqu vosa; o Tamaqu talega ena lomani koya, keirau na lako mai vua, ka keirau na vakavale vua. O koya sa sega ni lomani Au sa sega ni maroroya na Noqu vosa; na vosa dou sa rogoca sa sega ni Noqu vosa, sa nei Tamaqu o Koya ga sa talai Au mai. Joni 14:21-24
  • "Sa sega na loloma e levu cake mai na kena oqo, me dua e solia na nona bula ena vukudra na wekana. Joni 15:13
  • Ni'u sa kila dina sara, ni sa sega ni rawata na mate, se na bula, se o ira na agilosi, se o ira sa lewa, se o ira sa kaukauwa, se na veika sa yaco e daidai, se na veika ena yaco mai muri, Se na ka cecere, se na ka titobu, se dua tale na ka ni vuravura oqo me na tawasei keda mai na loloma ni Kalou, sa yaco ena vukui Jisu Karisito na noda Turaga. Roma 8:38,39
  • Me ka dina na loloma, mo dou cata sara nai tovo ca. Mo dou kukuva matua na ka e vinaka. Roma 12:9
  • Kevaka au sa vosataka na nodra dui vosavosa na tamata kei na vosa ni agilosi, ia ka sega vei au na loloma, au sa vaka walega na kaukamea sa rorogo, kei na veleti varasa sa tataqiriqiri. 1 Koronica 13:13
  • Na ka kece dou cakava me caka ena loloma. 1 Koronica 16:14
  • Nai vunau taucoko sa vakataucokotaki ga ena dua walega na yatu vosa, me vaka oqo, "Mo lomana na kai nomu me vakataki iko." Kalatia 5:14
  • Dou veivuke ni colata nomudou i colacola, dou veivosoti vakai kemudou, ke dua na ka cala e beitaki kina e dua vei kemudou; ni sa vosoti kemudou oti o Karisito, e dodonu mo dou dau veivosoti. Ia na veika kece oqo, na loloma ga me yavu tiko ni nomudou bula, ni loloma e vakataucokotaka na ka kecega. Kolosa 3:13,14
  • Na ka kece, me kua ni guilecavi mo dou dau veilomani vakaikemudou, "ni sa ubia na levu ni valavala ca na loloma." 1 Pita 4:8
  • Ena ka oqo eda kila dina kina na loloma, ka ni solia na Nona bula ena vukuda. Ka sa dodonu vaka kina meda solia na noda bula ena vukudra na wekada. Ia o koya sa tu vua nai yau ni vuravura oqo, ka raica na wekana ni vakaloloma tu, ka sega mada ga ni bau kauwaitaki koya, e rawa vaka cava me tukuna ni tiko vua na loloma ni Kalou? Oi kemudou na luvequ, meda kua ni vakaraitaka na loloma ena vosa walega se na yameda, ia ena cakacaka kei na dina. 1 Joni 3:16-18
  • Kemudou na luvequ, me da veilomani vakalevu, ni loloma sa mai vua na Kalou; o koya sa dauloloma sa vakasucumi vou mai vua na Kalou, ka sa kila na Kalou. O koya e sega ni loloma e sega ni kila na Kalou, ka ni sa loloma na Kalou. 1 Joni 4:7,8
  • Kemudou na luvequ, kevaka sa lomani keda tu vaka oqo na Kalou, sa dodonu vakalevu cake sara meda veilomani vaka i keda. 1 Joni 4:11
  • Eda lomani Koya baleta ni a lomani keda e liu o koya. 1 Joni 4:19
  • Oqo nai vakaro sa tau mai vua, me baleti keda; o koya e lomana na Kalou e dodonu me lomana talega na wekana. 1 Joni 4:21