Freedom from Fear


  • O Jiova na noqu rarama kei na noqu bula talega; o, cei me'u rerevaka? O Jiova sa kaukauwa ni noqu bula; o cei me'u taqayataka? E na gauna dredre, o Jiova ena vunitaki au ena Nona vale cecere; ena tikina vuni ni Nona vale, ena vunitaki au; ka vakatikori au ena uluvatu. Same 27:1,5
  • Au a vakasaqarai Jiova, ka sa rogoci au o koya, ka vakabulai au mai na noqu rere kecega. Same 34:4
  • Na Kalou sa noda i drodro kei na noda kaukauwa sa tu vakarau me vukei keda ena gauna ni leqa. O koya oqo eda na sega kina ni rere. Kevaka mada ga sa kautani o vuravura, se sa kautani yani na veiulunivanua ki na wasawasa titobu; Kevaka sa vadugu mai na wasawasa qai veivakarerei; kevaka sa yavala mai na ulunivanua. Sela Same 46:1-3
  • Au sa vakararavi vei Kemuni ena gauna kece e tarai au kina na rere. Ki vua ga na Kalou, au sa biuta kina na noqu vakararavi, au na sega ni rere. Na cava ena rawa ni cakava vei au na tamata? Same 56:3,4
  • O na sega ni rerevaka na ka dauveivakarerei ena bogi, se na gasau sa vuka voli ena siga, Se na mate ca sa lako voli ena butobuto, Se na veivakarusai sa toka vuni ena sigalevu. Same 91:5,6
  • Ia, o koya sa vakarorogo vua na Kalou ena tiko vinaka, ka vakacegu tiko, ka sega ni rerevaka e dua na ka ca." Vakaibalebale 1:33
  • Ni o sa davo sobu o na sega ni rere, Io, ena kamikamica sara na nomu moce. Vakaibalebale 3:24
  • Tukuna vei ira na yalo daurere, "Dou kaukauwa, dou kakua ni rere! raica na nomudou Kalou ena yaco mai, na veisausaumi, sa ia na Kalou; ena lako mai o Koya ka vakabulai kemudou." Aisea 35:4
  • Kakua ni o rere, Ni'u sa tiko vata kei iko: Kakua ni o taqaya Ni'u sa nomu Kalou. Au na vakaukauwataki iko, io Au na vukei iko, io Au na tokoni iko ena ligaqu i matau sa dau dina.' Aisea 41:10
  • Mo kakua ni rerevaka na matadra, Ni'u sa tiko vata kei iko me'u na vakabulai iko," sa tukuna o Jiova. Jeremaia 1:8
  • Au sa biuta tiko vei kemudou na veivakacegui. Na noqu veivakacegui Au sa solia vei kemudou; sa sega ni vaka sa solia o vuravura na veika Au sa solia vei kemudou. Me kua ni vakaleqai na yalomudou se mo dou rere. Joni 14:27
  • Sa sega tale ni qai tiko vei kemudou na yalo mo dou tukuna ni dou se bobula, mo dou rere tiko kina, ia dou sa rawata na Yalo Tabu mo dou wili me luvena, o koya eda sa kaci kina, "Apa Tamaqu." Roma 8:15
  • Ni sa sega ni solia vei keda na Kalou na yalo meda rere, ia na yalo ga ni qaqa, na loloma kei na taucoko ni yalo matua. 2 Timoci 1:7
  • Ena veigauna ni ra sa vakaitavi na gone ena lewe kei na dra, sa vakaitavi talega kina o Koya, ena mate, sa vakarusai kina o koya sa tu vua na kaukauwa ni mate, o ya na tevoro, Ka sereki ira kina o ira sa vesuki tu ena kaukauwa ni rerevaka na mate ena nodra bula taucoko. Iperiu 2:14,15]
  • Me kua ni kocokoco na nomudou i valavala, mo dou yalovinaka ga ena veika sa tu vei kemudou. Ni sa tukuna oti o Koya, "Au na sega ni biuti kemudou se weletaki kemudou." Sa rawa kina vei keda meda tukuna; "sa noqu i vukevuke na Kalou, Au na sega ni rerevaka na cava ena rawa ni cakava vei au na tamata? Iperiu 13:5, 6
  • Na loloma e sega ni kila na rere; ia na loloma e taucoko e vakayalia na rere, baleta na rere edau veivakatotogani. Ia o koya e se rere tikoga e sega ni tu vua na loloma. 1 Joni 4:18