Spiritual Growth
- Ia sa kila o Koya na sala au sa muria; Ni sa vakatovolei au oti o Koya, au na qai lako mai me vaka na koula.
Jope 23:10 - Sa biuta na sere vou ki na gusuqu, na vakavinavinaka ki vua na noda Kalou, e lewe levu era na raica ka rere, Au na vakararavi ga vei Jiova.
Same 40:3 - O Jiova sa lomani ira ga, sa soli ira me ra vakadodonutaki, me vaka na tama ni gone vua na luvena.
Vakaibalebale 3:12 - A sa cataki na bilo tete sa cakava tiko, e na liga i koya na dautulituli; ka sa baci cakava tale me bilo tani, me vaka sa vinaka vua na dautulituli me cakava.
Jeremaia 18:4 - "Ena rawa beka ni vosota na lomamu, se kaukauwa tikoga na ligamu, e na veisiga Au na tarai iko kina? Oi au, o Jiova, Au sa cavuta, Au na cakava talega.
Isikeli 22:14 - "Au na solia vei kemudou e dua na uto vou ka vakacuruma ki lomamudou e dua na yalo vou; Au na kauta tani na uto e vatu mai na yagomudou ka solia na uto vakalewe vei kemudou.
Isikeli 36:26 - O koya yadua e rogoca na noqu vosa oqo ka cakava sara, Au na vakatautauvatataki koya kei na dua na tamata yalomatua sa tara na nona vale ena dela ni vatu:
Maciu 7:24 - "Na tavaya makawa ena sega ni rawa me sova kina na waini vou, ena rawa ni kacabote na tavaya ka tasova era na waini, ka vakacacani na tavaya. Ia ni sova ga na waini vou kina tavaya vou e rau na maroroi ruarua."
Maciu 9:17 - "Ia vei koya e sega ni kila, ka qai cakava tiko na ka me tau kina vua nai kuita, ena lailai ga nai kuita ena tau vua. Vei koya e soli vakalevu vua, me solia mai vakalevu na ka e sa soli vua; kei koya sa vakacolati vua nai tavi, na ka era vinakata mai vua o ira na tamata na bula e soli koya taucoko.
Luke 12:48 - Sa qai tukuna na Turaga, "I Saimoni, i Saimoni! E dina ga ni sa kerei iko tiko o Setani, me tavuloni iko me vaka na witi. "Ia ka'u sa masulaki iko tiko, me kakua ni lutu sobu na nomu vakabauta; ni o sa na lesu tale mai vei Au, mo vakataudeitaki ira na wekamu."
Luke 22:31, 32 - "Me levu tikoga o Koya ka me'u lailai sobu tikoga oi au.
Joni 3:30 - "Sa dina sara, Au sa tukuna vei kemuni, kevaka sa sega ni lutu ki na qele na sila ka mate, sa tu ga vakai koya, kevaka sa mate ena vuataka na vuana e levu.
Joni 12:24 - "Na veitaba ni Vaini kece sa sega ni vuataka na vuana, sa kauta laivi o Tamaqu; ia na veitabana sa vuataka na vuana, sa kotiva vakavinaka o Koya, me rawa ni vua vakalevu sara.
Joni 15:2 - "Dou sema mai vei Au, Au na sema ga yani vei kemudou, Na tabana ena sega ni rawa ni vua vakataki koya, vakavo ke sa sema yani ki na Vaini, sa vaka kina oi kemudou kevaka dou sa sema vei Au.
Joni 15:4 - O koya oqo, eda sa bulu: vata kina kei Koya ni da papitaisotaki kina Nona mate, me vaka sa vakaturi cake tale mai na mate, na Karisito e na kaukauwa nei Tamana, meda sai valavala vaka talega kina ena bula vou.
Roma 6:4 - Dou kakua ni solia na veitiki ni yagomudou ki nai valavala ca, me caka kina na ka ca, dou soli kemudou ga vua na Kalou, ni dou sa bula mai na mate kei na veitikimudou vua na Kalou, me caka kina na ka dodonu.
Roma 6:13 - O koya oqo, au sa vakamamasu vei kemudou na veiwekani, ena vuku ni Nona loloma levu na Kalou, mo dou cabora na yagomudou mei madrali bula, me ka tabu, me rawa ni ciqoma na Kalou, ka me nomudou i soro vakayalo. Dou kakua ni vakatatamuria na bula vakavuravura, ia mo dou veisau ga ni sa vakavoui tiko na nomudou vakasama, ka mo dou kila kina na loma ni Kalou, sa yaga, ka vinaka, ka uasivi sara.
Roma 12:1, 2 - E sega ni dua na veivakatovolei me yaco vei kemudou me se bera mada ni tarai kemudou; ia sa yalodina na Kalou, ena sega ni rawa ni dou rawata, ia na veivakatovolei kece ena dau vakarautaka o koya na kena sala, me lako curumi kina ena bula e vosota.
1 Koronica 10:13 - O koya oqo me da kua ni yalolailai. E dina ni yagoda e sau sa salulu ka na vuca yani, ia na tamata e loma sa vakavoui tikoga mai ena veisiga kecega. Na noda rarawa e lailai sara ka lekaleka walega, sa vakarautaki keda tikoga ki na dua na bula e uasivi cake ka sa sega ni mudu na kena lagilagi,
2 Koronica 4:16, 17 - O koya oqo, kevaka sa tuvata kei Karisito e dua na tamata, o koya sa buli vou; sa lako tani na veika makawa; raica, sa yaco me vou na ka kecega.
2 Koronica 5:17 - E dina ni keitou bula tiko vakatamata e vuravura, ia keitou sega ni vakayagataka nai yaragi e vakayagataka o vuravura ena i valu oqo. Na neitou i yaragi ena i valu vakayalo oqo e sega ni ka vakayago me vakatamata, ia ena kaukauwa ni Kalou Me talaraki kina na bai kaukauwa,
2 Koronica 10:3, 4 - Sa qai tukuna mai vei au o Koya, "Sa rauti iko ga na Noqu loloma ni sa qai taucoko na Noqu Kaukauwa vua e dua e malumalumu." O koya oqo e ka marautaki vei au me'u dokadokataka ga na noqu malumalumu, me tiko kina vei au na kaukauwa i Karisito. O koya oqo sa ka ni marau tale vei au me'u sotava na mosi, na vakasewasewani, na vakadravudravuataki, na vakararawataki, na vakacacani, ena vuku i Karisito. Ni'u sa malumalumu, au sa qai kaukauwa.
2 Koronica 12:9, 10 - Ia mo dou vakavouia tiko na nomudou vakasama, ka mo dou qai vakaisulu tiko me vaka na tamata vou ni Kalou, ena yalododonu kei na savasava.
Efeso 4:23, 24 - Au via vakadeitaka na ka oqo, o koya e tekivutaka na cakacaka vinaka vei kemudou, ena vakacavara vinaka, me yacova nona lesu tale mai o Jisu Karisito.
Filipai 1:6 - Oi kemudou na veiwekani, au sa sega ni vakasamataki au ni'u sa taura oti; ia sa dua ga na ka'u sa cakava, au sa guilecava na ka sa oti, ka'u sa kakavaki me'u rawata ga na ka ki liu, Au sa ciciva tikoga na cere, me'u rawata nai sala mai cake, o koya sa kacivi au kina na Kalou ena vuku i Karisito Jisu.
Filipai 3:13, 14 - Mo vala ena i valu vinaka ni vakabauta, taura dei na bula Sega ni mudu, o koya o sa kacivi kina ka vakatutusa kina ena vakatutusa vinaka ena matadra nai i soqosoqo lotu.
1 Timoci 6:12 - Mo tamata vosota na veika dredre me vaka na sotia vinaka i Jisu Karisito.
2 Timoci 2:3 - Oi kemudou na wekaqu, dou nanuma me ka ni reki sara ni dou sa lutu ki na ka e vuqa sa dauveivakatovolei, Mo dou kila kina, ni sa dauvakatubura na dauvosota na vakatovolei ni nomudou vakabauta.
Jemesa 1:2, 3 - O koya oqo mo dou qai vakamalumalumutaki kemudou vua na Kalou. Vorata na tevoro, e na dro tani kina vei kemudou o koya.
Jemesa 4:7 - Ena ka oqo mo dou reki tiko kina vakalevu sara, e dina ni vakalailai tikoga na nomudou na sotava tiko na veivakatovolei ni veika rarawa. Ka me rawa ni laurai kina na vakabauta dina sara me tu vei keda, na vakabauta vaka oqo e talei mai na koula sa vakatovolei oti ena buka, ka ena vakacaucautaki, ka ena dokai, ka ena lagilagi ena Nona na rairai mai o Jisu Karisito.
1 Pita 1:6, 7 - Vei kemudou sa lomani, dou kakua ni leqa taka na kaukauwa ni veivakacacani vei kemudou, me vaka dou sa vakadinadinataka tiko oqori; Ia ka mo dou reki ga, ni dou sa vakaitavi vata kei Karisito ena vakacacani, ni na vakaraitaki mai na nona i ukuuku vei kemudou, dou na qai reki vakalevu sara kina.
1 Pita 4:12, 13