Healing
- Ka tukuna, "Kevaka o ni sa vakarorogo vakavinaka ki na domo i Jiova na nomuni Kalou ka cakava na vei ka sa dodonu vua, ka solia na daligamuni ki na Nona i vakaro ka maroroya na nona lewa, Au na sega ni vakatauvimatetaki kemuni ena dua na mate sa dauveitauvi mai Ijipita, Ni sai Au o Jiova sa dauveivakabulai mai na tauvimate."
Lako Yani 15:26 - "Mo lesu tale ka tukuna vei Esekaia na nodra i liuliu na Noqu tamata, 'Sa tukuna vakaoqo o Jiova, na Kalou nei Tevita na tamamu: "Au sa rogoca na nomu masu, Au sa raica na wai ni matamu, Au na vakabulai iko vakaidina. Ena i katolu ni siga o na cabe cake kina vale i Jiova.
2 Tui 20:5 - Sa levu na nona vakararawataki na yalododonu, o Jiova sa vakabulai ira mai na dredre kece oqo.
Same 34:19 - Sa vosota na nomu caka cala kecega, Sa vakabulai iko mai na kemu mate kecega,
Same 103:3 - Sa tala na Nona vosa, ka sa vakabulai ira ka vakagalalataki ira mai na veivakarusai.
Same 107:20 - Sa dau solia na kaukauwa vei ira era sa malumalumu, kei ira e sega vei ira na yalo e gu sa vakatubura o Koya na yalo qaqa.
Aisea 40:29 - Ia sa vakamavoataki o Koya ena vuku ni noda talaidredre, ka sa vakadrakusitaki ena vuku ni noda caka cala, sa tau Vua na cudruvi sa vuni noda veivinakati tale, ia na we ni kena kuita eda sa vakabulai kina.
Aisea 53:5 - Ni'u na vakamavotaka na nomu mavoa ia Au na vakabulai iko,' sa tukuna o Jiova; 'Io, ka ni ra cavuti iko mo luveniyali, "Oqo o Saioni ka sa sega e dua me lakova."'
Jeremaia 30:17 - Io, vei kemudou sa rerevaka na Yacaqu, na Matanisiga Ni Yalododonu ena cadra mai vei kemudou, Sa tiko e tabana na veivakabulai, Dou na vakani vakavinaka ni dou sa lako yani, ka dou na levulevu me vaka na luve ni bulumakau sa qaravi vinaka.
Malakai 4:2 - Sa qai kacivi ira mai na nona tisaipeli e tinikarua kivei Koya, ka solia vei ira na kaukauwa me ra cemuria tani kina, na yalo ni butobuto kei na vakabulai ni tauvi mate kei na veimate vakatani eso.
Maciu 10:1 - "Na veivakatakilakila oqo era na cakava o ira sa vakabauta: era na cemuri ira na tevoro ena Yacaqu; ka era na vosataka na veivosa vovou; "Era na taura cake na gata e vuqa; kevaka mera na gunuva na wai gaga ni veivakamatei, ena sega ni na vakaleqai ira; ena vakabulai o ira sa tauvimate, ni ra sa tabaki ena ligadra."
Marika 16:17-18 - Ia ni sa raici ira, sa tukuna vei iratou, "Dou lako, ka la'ki vakaraitaki kemudou vei ira na bete." Ena gauna e ratou sa lako tiko kina, a ra sa savasava mai.
Luke 17:14 - Sa tukuna vua o Pita, "Inia sa vakabulai iko o Jisu Karisito mo tucake ka samaka vakavinaka na nomu i davodavo." Bera ni cavuka na vosa i Pita sa tucake o koya ni sa vakabulai.
Cakacaka 9:34 - Ia, de'u na vakadokadokai vakalevu ena levu ni ka sa vakatakilai vei au, sa qai dua na voto ni kau sa mai votoka na yagoqu, e dua nai talai i Setani me vakararawataki au, me'u kakua ni dokadoka kina. Ena vuku ni ka oqo au masu vakatolu vua na Turaga me kau tani vei au. Sa qai tukuna mai vei au o Koya, "Sa rauti iko ga na Noqu loloma ni sa qai taucoko na Noqu Kaukauwa vua e dua e malumalumu." O koya oqo e ka marautaki vei au me'u dokadokataka ga na noqu malumalumu, me tiko kina vei au na kaukauwa i Karisito.
2 Koronica 12:7-9 - Ka vakadodonutaka na sala ki na yavamuni, me yaco kina na veika sa damele me kua ni lutu sara, me vakabulai ga.
Iperiu 12:13 - E dua li vei kemudou sa tauvimate? Me kacivi mai o ira na qase ni Soqosoqo Lotu me ra qai masulaki koya, ka me ra lumuti koya e na waiwai e na yaca ni Turaga. Na masu ni vakabauta e na vakabulai koya sa tauvimate, e na vakaturi koya cake na Turaga. Kevaka e i valavala ca, e na vosoti o koya. Dou dui vakatusa na nomudou i valavala ca, ka veimasulaki, mo dou vakabulai kina. Sa yaga vakalevu na nona masu vagumatua na tamata yalododonu.
Jemesa 5:14-16