Resisting the Devil


  • Era na rerevaka na yaca i Jiova o ira mai na ra, kei nai cadracadra ni matanisiga na Nonai ukuuku; era na lako mai me vaka na waluvu na meca, ena qai vakarewataki na kuila na Yaloi Jiova me tarovi ira. Aisea 59:19
  • Sa qai kacivi ira mai na nona tisaipeli e tinikarua kivei Koya, ka solia vei ira na kaukauwa me ra cemuria tani kina, na yalo ni butobuto kei na vakabulai ni tauvi mate kei na veimate vakatani eso. Maciu 10:1
  • "Au na solia talega vei iko nai dola ni matanitu vakalomalagi, na veika kece o na bukia e vuravura ena buki vaka kina mai lomalagi, kei na veika kece o sereka e vuravura ena sereki vakakina mai lomalagi." Maciu 16:19
  • Ia sa vuki vua ka raici iratou na tisaipeli, ka vunauci Pita, ka vaka, "lako tani ki dakuqu Setani! Ni o sa sega ni tu ena yasa ni Kalou, ia ena yasa e vakatamata." Marika 8:33
  • A sa kacivi ira vata mai na Nona tisaipeli lewe tinikarua ka solia vei ira na kaukauwa kei na lewa vei ira kecega na tevoro, ka mera vakabula talega na veimate eso. Luke 9:1
  • Sa ka levu na nodra reki na lewe vitusagavulu ni ra sa lesu mai, ka tukuna, "Turaga, o ira sara mada ga na tevoro era vakarorogo vei keimami ena vuku ni Yacamuni." Luke 10:17
  • "Ka raica, Au sa solia vei kemuni na kaukauwa mo dou lewa na gata kei na batibasaga, kei na nodra kaukauwa kece na meca, ena sega tale ni dua na ka me rawai kemudou mo dou ca kina. Luke 10:19
  • Na neitou i yaragi ena i valu vakayalo oqo e sega ni ka vakayago me vakatamata, ia ena kaukauwa ni Kalou Me talaraki kina na bai kaukauwa, Me buturaka sobu na duidui kei na veika cecere kece e vakalevulevui koya me veicoqacoqa kei na vuku ni Kalou, me vesuka mai na vakanananu kecega me talairawarawa vei Karisito, 2 Koronica 10:4,5
  • Dou kakua ni vakarawarawataki kemudou vua na tevoro. Efeso 4:27
  • Me'u tinia, oi kemudou na wekaqu, mo dou kaukauwa tiko ena Turaga, kei na kena levu ni Nona kaukauwa vakaidina. Dou tokara ka daramaka tiko nai yaragi ni Kalou, me rawa ni dou tucake qaqa tiko kina, ka vorata nai lawaki makawa ni tevoro. Efeso 6:10, 11
  • Dou tu vakarau, ka yadra tiko; ni sa veilakoyaki voli na kemudou meca na tevoro, me vaka na laione sa tagi vakadomoilevu, ni vakasaqara tiko na kena. Dou vorati koya, ka me tudei nomudou vakabauta, ka mo dou kila ni sega ni o kemudou ga, dou sotava tiko na veivakacacani, o ira talega na wekamudou era tu ena veiyasai vuravura eso. 1 Pita 5:8,9
  • O koya sai valavala ca, sa luve ni tevoro, ni sai valavala ca na tevoro mai nai vakatekivu. Oqo na vuna e lako mai kina na luve ni Kalou, me mai vakarusa na cakacaka ni tevoro. 1 Joni 3:8
  • Oi kemudou sa nona na Kalou, na luvequ, dou sa vakamalumalumutaki ira, baleta ni sa levu o Koya sa tiko vei kemudou, ka lailai o koya sa tiko e vuravura. 1 Joni 4:4