Að berjast við óvininn

  • Já, hann brýst fram eins og á í gljúfrum, er andgustur Drottins knýr áfram. Jesaja 59:19
  • Og hann kallaði til sín lærisveina sína tólf og gaf þeim vald yfir óhreinum öndum, að þeir gætu rekið þá út og læknað hvers kyns sjúkdóm og veikindi. Matteusarguðspjall 10:1
  • Ég mun fá þér lykla himnaríkis, og hvað sem þú bindur á jörðu, mun bundið á himnum, og hvað sem þú leysir á jörðu, mun leyst á himnum." Matteusarguðspjall 16:19
  • "Vík frá mér, Satan, eigi hugsar þú um það, sem Guðs er, heldur það, sem manna er." Markúsarguðspjall 8:33
  • Hann kallaði saman þá tólf og gaf þeim mátt og vald yfir öllum illum öndum og til að lækna sjúkdóma. Lúkasarguðspjall 9:1
  • "Herra, jafnvel illir andar eru oss undirgefnir í þínu nafni." Lúkasarguðspjall 10:17
  • Ég hef gefið yður vald að stíga á höggorma og sporðdreka og yfir öllu óvinarins veldi. Alls ekkert mun yður mein gjöra. Lúkasarguðspjall 10:19
  • því að vopnin, sem vér berjumst með, eru ekki jarðnesk, heldur máttug vopn Guðs til að brjóta niður vígi.Vér brjótum niður hugsmíðar og allt, sem hreykir sér gegn þekkingunni á Guði, og hertökum hverja hugsun til hlýðni við Krist. Síðara Korintubréf 10:4, 5
  • Gefið djöflinum ekkert færi. Efesusbréfið 4:27
  • Að lokum: Styrkist nú í Drottni og í krafti máttar hans.Klæðist alvæpni Guðs, til þess að þér getið staðist vélabrögð djöfulsins. Efesusbréfið 6:10, 11
  • Þér börnin mín, heyrið Guði til og hafið sigrað falsspámennina, því að sá er meiri, sem í yður er, en sá, sem er í heiminum. Fyrsta Jóhannesarbréf 4:4
  • Verið algáðir, vakið. Óvinur yðar, djöfullinn, gengur um sem öskrandi ljón, leitandi að þeim, sem hann geti gleypt.Standið gegn honum, stöðugir í trúnni, og vitið, að bræður yðar um allan heim verða fyrir sömu þjáningum. Fyrra Pétursbréf 5:8, 9
  • Hver sem synd drýgir heyrir djöflinum til, því að djöfullinn syndgar frá upphafi. Til þess birtist Guðs sonur, að hann skyldi brjóta niður verk djöfulsins. Fyrsta Jóhannesarbréf 3:8