Faith


  • Ulôn neukad sabab ka putôh asa! Meunyoe Po teu Allah keuneuk poh maté lôn, ulôn meunyeurah mantong, teuma teutab lôn bila pi-e ulôn dikeue Gobnyan. Ayub 13:15
  • Peucaya kheueh ubak TUHAN deungon sipeunoh até gata, dan bék kheueh gata peubangga peungeurtian gata keudroe. Ingat kheueh ubak TUHAN ateueh peue mantong nyang gata peubuet, dan Gobnyan teuma geutunyok keu gata keuhai udeb nyang leubeh sampoereuna. Amsal 3:5,6
  • TUHAN Nyang Mahamanyang, Po teu Allah kudus Israel, meufeureuman keu umat Gobnyan lagée nyoe, "Tobat kheueh dan teutab kheueh lam keuadaan teunang, teuma gata Lôn peuseulamat. Peucaya kheueh ubak Ulôn deungon até nyang teuntram, teuma gata Lôn bri teunaga." Teuma gata teutab hana tatem! Nabi Yesaya 30:15
  • Laju Isa geumat mata awaknyan sira geupeugah, "Sabab gata peucaya, teuma beujeuet kheueh peue nyang gata lakée." Matius 9:29
  • Geujaweueb lé Isa, "Sabab gata kureueng iman. Ingat kheueh! Meunyoe gata na iman bah pih bube bijéh sisawi, gata jeuet tapeugah ubak gunong nyoe, 'He gunong, minah kheueh keudeh!' Pasti gunong nyan teuma jiminah. Hana mubacut pih nyang hana hase gata peubuet! Matius 17:20
  • "Peue gata peugah? meunyoe Bapak hase?" jaweueb Isa. "Peue mantong hase, asai ureuëng peucaya!" Markus 9:23
  • Geujaweueb lé Isa, "Peucaya kheueh ubak Po teu Allah. Markus 11:22
  • Sabab nibak Po teu Allah hana nyang mustahe." Lukas 1:37
  • Jinoenyoe tanyoe ka tameugét lom ngon Po teu Allah, sabab tanyoe tameuiman. Dan ngon sababnyan tanyoe udeb damé ngon Allah rot Tuhan geutanyoe Isa Almaseh. Roma 5:1
  • Nyang kheueh sabab jih manusia jeuet jipatéh watée jideungoe haba, dan haba nyang jideungoe sabab na nyang peusampoe keuhai Almaseh. Roma 10:17
  • Teuma ureuëng nyang meurasa waih-waih keu jimakheun sipeue-peue, óh lheueh nyan atra nyan jipajoh cit, ureuëng nyan geupeusalah lé Allah; sabab ureuëng nyan hana jipeubuet meunurot keuyakénan jih keuhai peue nyang beuna dan peue nyang salah. Dan peue nyang jipeubuet ngon hana keuyakénan na kheueh desya. Roma 14:23
  • Tieb-tieb watée peuguna kheueh peucaya gata ubak Tuhan sibagoe sinjata tangkesan gata; ngon iman nyan gata hase tapeulon banmandum aneuëk panah meuapui nyang teuka nibak sijeuhet. Efesus 6:16
  • Meunyoe geutanyoe hana seutia, Gobnyan teutab seutia, sabab hana hase Gobnyan meubeda ngon droe Geuh keudroe." 2 Timotius 2:13
  • Dan umat Lôn nyang beuna teuma jipatéh dan udeb; teuma meunyoe lamkawan awaknyan na nyang surot, Ulôn hana galak keu jih nyan." Ibrani 10:38
  • Meuiman nyan makna jih keubiet yakén ngon biet-biet keu hai-hai nyang teuharab nyan, na keupastian keu hai-hai nyang hana deuh teukalon. Ibrani 11:1
  • Meunyoe tan iman, hana meusidroe pih nyang hase jipeugalak até Allah. Sabab ureuëng nyang teuka ubak Po teu Allah meuseuti jimeuiman ubak Allah bahwa Gobnyan na, dan bahwa Allah geubri balasan ubak ureuëng nyang mita Gobnyan. Ibrani 11:6
  • Bah kheueh mata tanyoe tatuju ubak Isa, sabab Gobnyan kheueh nyang peubeudôh iman geutanyoe dan nyang peulara phon awai trok án akhé. Isa ék geupeuteun deurita bak kayée saleb! Gobnyan hana geupakoe bahwa maté bak kayée saleb nyan na kheueh buet nyang paleng malée. Nyang geuingat na kheueh keugeumbiraan nyang geuteurimong watée nyang teuma teuka. Jinoenyoe Gobnyan geuduek blaih uneuen takhta Allah dan geumat peurintah meusajan-sajan ngon Gobnyan. Ibrani 12:2
  • Meunyoe na sidroe lamkawan gata nyang hana bijaksana, bah kheueh jihnyan jilakée ubak Allah, ngon lagée nyan Allah teuma geubri keubijaksanaan nyan bak jih; sabab keu tieb-tieb ureuëng, Allah geubri ngon murah até dan ngon peurasaan gaséh sayang. Teuma ureuëng nyang meulakée, harôh meuiman; ureuëng nyan hana jeuet waih-waih. Sabab ureuëng nyang waih-waih na kheueh lagée geulumbang lam laôt nyang jipôt lé angén keudeh keunoe. Ureuëng nyang lagée nyan hana teutab pikeran jih; sapeue hana hase jicok keuputosan lam hai peue mantong nyang jipeubuet lé ureuëng lagée nyan. Sabab nyan, bék jimeuharab sapeue nibak Tuhan. Yakobus 1:5-8
  • Nyan, lagée toh tuboh nyang hana roh na kheueh tuboh nyang maté, meunan cit teuma iman hana mubuet na kheueh iman nyang maté. Yakobus 2:26
  • Deungon na lagée nyan bah kheueh gata bumangat até, bah pi jinoe lam watée nyang paneuk nyoe gata harôh seudeh le sabab gata tarasa meubagoe-bagoe cubaan. Nyan sibagoe teu ujoe gata peu kheueh gata biet-biet meuiman ubak Tuhan atawa hana. Méuh nyang hase rusak pi, teu ujoe ngon apui. Deungon lagée nyan, iman gata na kheueh leubeh muyuem nibak méuh nyan, nyang kheueh sabab teu-ujoe cit mangat meutamah kông. Deungon lagée nyan gata teuma teupujoe dan jihoreumat meunan cit teupeumanyang bak watée uroe Isa Almaseh geuteuka lom teuma. Gata tagaséh, bahpi yoh masa ilée hana takalon. Dan gata meuiman ubak Gobnyan bahpi jinoe hana gata kalon. Nyang kheueh sabab jih gata meugeumbira, dan gata rasa sukacita nyang paleng agong dan hana jeuet teupeugah ngon babah. Sabab tujuan iman gata trok, na kheueh keuseulamat jiwa gata. 1 Petrus 1:6-9
  • sabab tieb-tieb aneuëk Allah hase jipeutaloe donya nyang jeuhet nyoe. Dan tanyoe tapeutaloe donya nyoe ngon iman geutanyoe. 1 Yahya 5:4