Praise


  • Óh ka lheueh geumurok pakat deungon rakyat, lé raja laju geuyue ureuëng nyang meuca-e seucara meupadu geusok peukayan seuragam nyang lazem jih teungui watée upacara khusos lam agama. Ureuëng meuca-e nyang meupadu su nyan harôh jimeubaréh deungon lagak that dikeue baresan tantra sira meuca-e, "Pujoe kheueh TUHAN! Gaséh Gobnyan keukai abadi!" Watée baresan meuca-e nyan ka jipeuphon seumurak sira meuca-e, TUHAN laju geupeuna karu lamkawan sipa-i musoh nyang teungoh jimuprang. 2 Tawarikh 20:21,22
  • Jinoenyoe tajak woe kheueh u rumoh gata maséng-maséng; tamakheun dan tajieb kheueh ié deungon mangat dan geumbira. Tajok kheueh siladum nibak peunajoh dan anggô gatanyan keu ureuëng nyang bit-bit peureulée. Uroe nyoe na kheueh uroe nyang khusos keu TUHAN, Allah geutanyoe, jadi, bék kheueh gata peususah até. Geumbira nyang geujok lé TUHAN keu gata nyan na kheueh mangat teupeuteuga gata." Nehemiah 8:10
  • Zabur Nabi Daud, bak watée gobnyan pura-pura hana waraih pikeran dikeue Abimelekh, sampoe gobnyan jiuse dan laju geujak. Zabur 34:1
  • Ureuëng nyang peuseumah syukoe sibagoe keureubeuen, ureuëng nyan kheueh nyang jihoreumat Ulôn; dan keu ureuëng nyan teupeusiab rot ueh keu ureuëng nyan Ulôn tunyok keuhai seulamat nibak ulôn." Zabur 50:23
  • Ulôn sabe lôn pujoe Droeneueh, sipanyang uroe ulôn jak peugah keuagongan Droeneueh. Zabur 71:8
  • Teuma ulôn sabe meuharab ubak Droeneueh, dan seumaken le lôn pujoe Droeneueh. Zabur 71:14
  • Keuadelan dan huköm na kheueh dasai keurajeuen Droeneueh, gaséh dan keuseutiaan na kheueh nyata lam peue mantong nyang Droeneueh peubuet. Zabur 89:15
  • Ca-e ngon nyanyoe keu uroe Sabat. Zabur 92:1
  • TUHAN na kheueh Raja! Patot that bumoe meugeumbira, dan bubena pulo meusuka cita. Zabur 97:1
  • Meugeumbira kheueh, hai ureuëng-ureuëng nyang jujoe até sabab peue nyang ka geupeubuet lé TUHAN, dan meusyukoe kheueh ubak Po teu Allah nyang suci. Zabur 97:12
  • Zabur keu keureubeuen syukoe. bumoe! Meu iébadat kheueh ubak TUHAN deungon até nyang peunoh geumbira, meuhadab kheueh ukeue Gobnyan deungon ca-e dan lagu nyang ceuria! Zabur 100:1,2
  • Zabur Nabi Daud. Zabur 101:1
  • Nibak Nabi Daud Pujoe kheueh TUHAN, hai jiwa lôn, bék tuwoe ubak bandum nyang jroh nibak Gobnyan! Zabur 103:1,2
  • Phon di timu sampoe u barat nan TUHAN harôh teupujoe. Zabur 113:3
  • Pujoe kheueh TUHAN! 2 Meusuka cita kheueh hai Israel, sabab Peucebta gata; meugeumbira kheueh, hai meududuek Sion sabab Raja gata! Pujoe kheueh nan Gobnyan deungon meubagoe likak dan tari, dan pujoe kheueh Gobnyan deungon keucapi dan rapa-i! TUHAN geutung keu umat Gobnyan; Gobnyan geubri meunang keu ureuëng nyang miyueb até. Bah kheueh umat Allah meusuka ria sabab keujayaan Gobnyan, dan meuca-e geumbira simalam suntok. Zabur 149:1,3-5
  • Pujoe kheueh TUHAN! Pujoe kheueh Gobnyan sabab buet-buet Gobnyan nyang peukasa. Pujoe kheueh Gobnyan sabab keuagongan Gobnyan nyang raya. Pujoe kheueh Gobnyan deungon su beureuguih, pujoe kheueh Gobnyan deungon gambus dan keucapi! Pujoe kheueh Gobnyan deungon rapa-i dan likak ngon tari, dan pujoe kheueh Gobnyan deungon keucapi dan suleng. Pujoe kheueh Gobnyan deungon ceracap nyang su meudeunteng, dan pujoe kheueh Gobnyan deungon su canang nyang meudeuntang. Bah kheueh banmandum makhluk udeb jipujoe TUHAN. Zabur 150
  • Kira-kira teungoh malam Paulus ngon Silas teungoh meudoá dan geumeuseulaweuet ngon ca-e-ca-e pujoe keu Po teu Allah. Ureuëng-ureuëng nyang teuten laén pih teungoh jideungoe awaknyoe meuseulaweuet.Kisah Rasui-Rasui 16:25
  • Peuguna kheueh tutoe haba nyang na lam kitab zabur, ca-e puja ngon pujoe dan lagu rohani, bak tieb-tieb gata peugah haba. Bah kheueh gata ngon até nyang geumbira gata meulagu puja ngon pujoe ubak Tuhan. Sabe-sabe dan keuhai peue mantong, bah kheueh gata peugah teurimong gaséh ubak Allah Bapak, ateueh nan Isa Almaseh Tuhan geutanyoe. Efesus 5:19,20
  • Lam keuadaan peue mantong bah kheueh gata meusyukoe, sabab nyang lagée nyan kheueh nyang Allah lakée nibak gata sibagoe ureuëng nyang udeb meusaboh ngon Isa Almaseh. 1 Tesalonika 5:18
  • Sabab nyan, ngon peurantaraan Isa, bah kheueh geutanyoe sabe tapujoe-pujoe Allah; nyang lagée nyan na kheueh sibagoe keureubeuen syukoe geutanyoe keu Gobnyan, nyang tanyoe peuseumah rot bibi tanyoe keu tapeumulia nan Gobnyan. Ibrani 13:15
  • Laju teudeungoe nibak takhta nyan su nyang jipeugah lagée nyoe, "Pujoe kheueh Allah, he banmandum hamba Allah, dan banmandum ureuëng -- rayeuk ngon ubit -- nyang seumah Allah!" Wahyu 19:5