Resting in the Lord


  • Geupeugah lé TUHAN, "Gata Ulôn lindong mangat meuteumé gata cok keuhak milék tanoh nyang ka Ulôn peujanji." Keuluaran 33:14
  • Watée awaknyan ka trok u binéh banda, geupeugah kheueh laju lé Samuel ubak Saul, "Gata yue kheueh peulayan nyan jijak beu awai nibak geutanyoe." Dan peulayan nyan pi jijak teuma, dan Samuel geupeugah lom, "Gata piôh kheueh disinoe sikeujab, ulôn teuma lôn britée peusan Po teu Allah ubak gata." 1 Samuel 9:27
  • Geupeugah lé Asa ubak rakyat Yehuda, "Bah kheueh geutanyoe tapeukong banda-banda deungon tapeugöt beuton-beuton bansikeulileng nyan dan meunara-meunara meunan cit deungon babah pintoe geureubang deungon palang-palang jih. Geutanyoe ka takuasa nanggroe nyoe sabab geutanyoe ka ta turot kheun Po teu Allah TUHAN geutanyoe. Gobnyan geujaga geutanyoe dan geupeulara keuamanan bansaboh nanggroe geutanyoe." Dan jipeuphon kheueh lé awaknyan jipeudong dan jimeubuet deungon gét that. 2 Tawarikh 14:7
  • Beutateupeue kheueh, TUHAN ka geupiléh keudroe Gobnyan sidroe ureuëng nyang geugaséh. TUHAN geudeungoe meunyoe ulôn meulakée ubak Gobnyan. Zabur 4:4
  • Meuharab kheueh ubak TUHAN, peukong kheueh dan peuteutab kheueh até droeneueh; nyoe, meuharab kheueh ubak TUHAN.Zabur 27:14
  • Preh kheueh TUHAN deungon até nyang teunang, tapreh kheueh deungon saba sampoe Gobnyan geucok tendakan. Bék geulisah sabab ureuëng laén nyang meuhase lam udeb, atawa nyang jipeubuet tipée muslihat. Zabur 37:7
  • Keu teupimpén kor. Zabur Nabi Daud Zabur 40:1
  • Gobnyan nyang peureuda prang bansigom donya, gando dan leumbeng habéh geupeuhanco, meunan cit mandum peurisai bulat ka habéh geutot. Zabur 46:10
  • Tutoe haba jih aloh meubujuk rayu, teuma lam até jih na jikeubah banci. Tutoe haba jih leumoh leumbot, teuma lagée teutôb deungon peudeueng nyang tajam. Zabur 55:22
  • Gobnyan kheueh Allah nyang bri keu ulôn seulamat dan keuhoreumatan, Gobnyan kheueh peulindong lôn nyang bila lôn nyang teuga. Zabur 62:8
  • TUHAN, Droeneueh nyang bri damé dan seujahteura keu ureuëng nyang kong até, sabab ureuëng nyan peucaya ubak Droeneueh. Nabi Yesaya 26:3
  • TUHAN Nyang Mahamanyang, Po teu Allah kudus Israel, meufeureuman keu umat Gobnyan lagée nyoe, "Tobat kheueh dan teutab kheueh lam keuadaan teunang, teuma gata Lôn peuseulamat. Peucaya kheueh ubak Ulôn deungon até nyang teuntram, teuma gata Lôn bri teunaga." Teuma gata teutab hana tatem! Nabi Yesaya 30:15
  • Tieb-tieb ureuëng jipeubuet peue nyang beuna, sampoe na keuseujahteuraan dan keuteuntraman siumu masa. Nabi Yesaya 32:17
  • Teuma ureuëng nyang meuharab ubak TUHAN mantong, ureuëng nyan teuma meuteumé teunaga barô. Awaknyan lagée cicém siwah nyang jipo manyang deungon teunaga sayeub jih. Awaknyan jiplueng dan hana meunyuem hék, awaknyan jijak dan hana jeuet keu leusu. Nabi Yesaya 40:31
  • Teuma ureuëng nyang meuharab ubak Ulôn, ureuëng nyan Lôn bri beureukat hana reuda. Ureuëng nyan lagée bak kayée nyang timoh binéh krueng nyang ié krueng nyan sabe ji ile; ukeue bak kayée nyan jimeu éue trok lam ié. Hana jitakot musém keunong khueng, ôn-ôn kayée nyan sabe ijo. Bahpi nanggroe habéh tho sabab musém khueng, bak kayée nyan hana yo sabab kayée nyan hántom putôh bak jimuboh. Nabi Yeremia 17:7, 8
  • Bukon kheueh Ulôn nyang leubeh teupeue reuncana-reuncana Ulôn keu gata? Reuncana-reuncana nyan kon Lôn peuceulaka gata, teuma keuseujahteuraan gata dan keu Lôn bri ubak gata masa ukeue nyang peunoh harapan. Teuma gata talakée tulông ubak Ulôn. Gata teuka tajak meudoá ubak Ulôn, dan Ulôn kujaweueb doá gata. Gata mita Ulôn dan meurumpok deungon Lôn, sabab gata mita deungon sipeunoh até. Nabi Yeremia 29:11-13
  • TUHAN gét that keu ureuëng nyang meuharab ubak Gobnyan, dan ubak ureuëng nyang mita Gobnyan. Lé sababnyan, bah kheueh tanyoe preh deungon teunang sampoe TUHAN trok geujak bri peutulôngan; Peumo Ba-E 3:25, 26
  • Tajak kheueh ubak Ulôn he gata bandum nyang reuôh reuah, dan nyang teurasa beuban teuh brat; Ulôn teuma nyang peupuih rukueng gata. Seutôt kheueh peue-peue nyang Ulôn peurintah dan meurunoe kheueh ubak Ulôn. Sabab Ulôn nyoe leumoh leumbot dan miyueb até, teuma gata meurasa mangat. Sabab peue-peue nyang Ulôn peurintah keubiet mangat lumpah na, dan beuban nyang Ulôn keubah ateueh gata nyan phui lumpah na." Matius 11:28-30
  • Teuma seujahteura nyang teuka nibak Allah hana mungken hase jimuphom lé manusia, teuma jeuet até dan pikeran gata nyang ka meusaboh ngon Isa Almaseh. Filipi 4:7
  • Nyang kheueh sabab jih ulôn meudeurita lé mandum nyoe, teuma ulôn teutab yakén, sabab ulôn kuteupeue that soe nyang ulôn meuiman. Ulôn yakén bahwa peue nyang ka Gobnyan peucaya ubak ulôn, Gobnyan pih hase geujaga trok bak Uroe Pagée. 2 Timotius 1:12
  • Seurah kheueh banmandum nyang gata khawate nyan ubak Allah, sabab Gobnyan geungieng gata. 1 Petrus 5:7