The Word

Ajaran Droeneueh ulôn keubah didalam até, mangat ulôn bék meudesya keu Droeneueh.
Zabur 119:11
Meunyoe teupeutrang, ajaran Droeneueh teubri trang nyang luwa biasa, dan teubri peungeurtian keu ureuëng seudeurhana.
Zabur 119:130
Geujaweueb lé Isa, "Didalam Alkitab na teutuléh: Manusia hana hase udeb deungon ruti mantong, teuma nibak tieb-tieb feureuman nyang geupeugah lé Po teu Allah."
Matius 4:4
Langét dan bumoe teuma gadôh, teuma tutoe haba Lôn teutab na siumu masa."
Matius 24:35
Nibak awaiphon, sigohlom donya teupeujeuet, Feureuman ka na. Feureuman nyan na meusajan Po teu Allah dan Feureuman nyan saban ngon Allah. Feureuman ka jeuet keu manusia, Gobnyan tinggai diteungoh-teungoh geutanyoe, dan tanyoe ka takalon keuagongan Gobnyan. Keuagongan nyan geuteurimong sibagoe aneuëk tunggai Bapak. Rot Gobnyan tanyoe takalon Allah dan geunaséh Gobnyan ateueh geutanyoe.
Yahya 1:1,14
Nyang peujeuet manusia udeb na kheueh Roh Allah. Teunaga manusia hana meuguna. Tutoe haba nyang Ulôn peugah bak gata nyoe na kheueh tutoe haba Roh Allah dan tutoe haba nyang teubri udeb.
Yahya 6:63
Gata ka gleh sabab ajaran nyang Ulôn bri keugata.
Yahya 15:3
Useuha kheueh lé gata deungon biet-biet mangat Allah geuangkée gata sibagoe ureuëng nyang patot tamubuet keu Gobnyan. Useuha kheueh mangat gata bék malée keuhai buet gata nyan, dan gata purunoe ngon jeulaih dan beutôi keuhai ajaran nyang beuna nibak Po teu Allah.
2 Timotius 2:15
Feureuman Allah na kheueh feureuman nyang udeb dan teuga; leubeh tajam nibak peudeueng nyang meumata dua. Feureuman Geuhnyan jitamong tajam trob ubak bataih jiwa ngon roh; trok ubak atot-atot dan tuleueng sum-sum, sampoe geuteupeue si lhok-lhok jih pikeran dan niet até manusia.
Ibrani 4:12
Bah kheueh gata jeuet lagée aneuëk manyak nyang ban lahé, sabe glaih keu ié mom nyang murni. Deungon lagée nyan gata teuma timoh dan teupeuseulamat.
1 Petrus 2:2