Freedom from Fear

Zabur Nabi Daud. TUHAN geulindong ulôn watée ulôn ka meukarat; Gobnyan geusöm ulôn didalam Baét Geuh, dan geu beuôt ulôn u ateueh gunong batée.
Zabur 27:1,5
Agong kheueh TUHAN meusajan deungon ulôn, jak meusajan-sajan ta peumulia nan Gobnyan.
Zabur 34:4
Zabur kawöm Korah. Keu peumimpén kor. Deungon ca-e Alamot. Allah na kheueh nyang lindong dan teunaga geutanyoe; Gobnyan sabe lam siab dan mampu geutulông pajan mantong geutanyoe meukarat. Teuma geutanyoe hana teumakot, bahpi bumoe nyoe meuhayak, dan gunong-gunong karam lam laôt raya;
Zabur 46:1-3
Sipanyang uroe nyoe jigilo-gilo sabe lé lawan-lawan lôn; jai that-that nyang meumusoh keu ulôn, ya Allah Nyang Mahamanyang. Bak watée ulôn teumakot, ulôn meuharab ubak Droeneueh.
Zabur 56:3,4
Gata hanapeu tatakot keuhai bahya bak watée malam, atawa jiseurang ngon hana teusangka-sangka bak watée uroe; meunan cit keuhai beuncana nyang teuka bak watée seupôt, atawa keuhancoran nyang teuka watée teungoh uroe.
Zabur 91:5,6
Teuma ureuëng nyang jideungoe ulôn jihnyan teupeulara. Ureuëng nyan udeb deungon aman hana peureulée meurasa teumakot."
Amsal 1:33
Gata teuma tajak éh deungon hana teurasa teumakot, gata ta teungét meuseuneunya simalam beungoh hana nyang peukaru gata.
Amsal 3:24
Peugah kheueh ubak nyang cut até, "Peukhong kheueh até gata, bék teumakot, Po teu Allah gata teuka geuhuköm musoh, Gobnyan teuka geujak peuseulamat gata."
Nabi Yesaya 35:4
Bék teumakot, sabab Ulôn na meusajan gata, bék gundah, sabab Ulôn na kheueh Po teu Allah gata. Gata Ulôn peukong dan Ulôn tulông, Ulôn peutakteh deungon jaroe Ulôn nyang jaya.
Nabi Yesaya 41:10
Bék teumakot keu awaknyan, sabab Ulôn na meusajan gata keu Lôn jak lindong gata. Ulôn, TUHAN, ka Lôn peugah haba!"
Nabi Yeremia 1:8
Seujahteura Ulôn tinggai bak gata. Seujahteura Ulôn keudroe nyang Ulôn bri keu gata, nyang Ulôn bri nyan bukon lagée nyang jibri lé donya keu gata. Bék apoh apah dan bék teumakot.
Yahya 14:27
Sabab Roh, nyang geubri lé Allah ubak gata, hana kheueh teupeujeuet gata jeuet keu namiet sampoe gata udeb lam keuadaan teumakot. Nyang beuna Roh Allah nyan teupeujeuet gata keu aneuëk-aneuëk Allah. Dan ngon kuasa Roh Allah nyan tanyoe tapeugah keu Allah nyan, "Bapak, nyoe Bapak lôn!"
Roma 8:15
Sabab Roh Allah nyang geubri ubak geutanyoe, kon kheueh Roh nyang teupeujeuet geutanyoe jeuet keuteumakot. Nyang sibeuna jih, Roh Allah nyan teupeujeuet geutanyoe meutamah teuga, peunoh ngon gaséh sayang dan hase tapeuteun droe.
2 Timotius 1:7
Lé sabab ureuëng-ureuëng nyang geupeugah aneuëk nyan, na kheueh makhlok manusia nyang hase maté, teuma Isa keudroe jeuet keu saban lagée awaknyan dan udeb lam keuadaan manusia. Gobnyan geupeubuet meunan, mangat deungon maté Geuhnyan hase geupeu hanco Iblih nyang kuasa ateueh maté. Deungon cara nyan Gobnyan ka geupeubeubaih bubena ureuëng nyang sipanyang udeb jih ka jipeunamiet sabab jitakot ubak maté.
Ibrani 2:14,15]
Bék kheueh udeb gata jikuasa lé cinta keu péng, teuma bah kheueh gata pueh ngon peue nyang na nibak gata. Sabab Allah ka geumeufeureuman, "Ulôn hana Lôn peubiyeu atawa Lôn tinggai gata." Lé sabab nyan tanyoe tajeuet peugah, "Tuhan na kheueh nyang tulông lôn, ulôn hana teumakot. Peue nyang hase jipeubuet manusia ateueh ulôn?"
Ibrani 13:5, 6
Ureuëng nyang jirasa geunaséh Allah, nibak ureuëng nyan hana jituri keupeurasaan teumakot; sabab geunaséh nyang sampoereuna jipeuleunyab banmandum peurasaan teumakot nyan. Ngon lagée nyan deuh kheueh teukalon bahwa nibak ureuëng nyan gohlom jirasa gaséh Allah nyang sampoereuna meunyoe ureuëng nyan teumakot meuhadab ngon Uroe Peungadelan.
1 Yahya 4:18