Forgiveness


  • Bék gata balaih dam dan bék gata banci ubak ureuëng laén, teuma cinta kheueh seusamoe gata lagée gata cinta ubak droe gata keudroe. Ulôn kheueh TUHAN. Imeum-Imeum 19:18
  • Teuma TUHAN geubalaih buet ulôn nyang beuna sabab Gobnyan geuteupeue ulôn nyoe hana meusalah. Zabur 18:25
  • Droeneueh jroh, ya TUHAN, dan galak neupeu amphon ureuëng nyang lakée amphon ubak Droeneueh, ureuëng nyang meudesya ubak Droeneueh teutab neugaséh ngon neusayang deungon gaséh nyang meulimpah. Zabur 86:5
  • Sijiôh timu nibak barat, sidubnyan kheueh geuböih dumna desya-desya geutanyoe. Zabur 103:12
  • Bah kheueh gata teutab peucaya dan seutia ubak Po teu Allah meunan cit seusabe gata. Ingat kheueh nyan dan takeubah kheueh lam até gata, mangat gata geugalak dan geuhareuga lé Po teu Allah dan manusia. Amsal 3:3,4
  • Teuma ulôn Allah nyang sampôh desya gata, Ulôn peu amphon gata kareuna meunan kheueh sifeuet Ulôn; Ulôn hana Lôn ingat-ingat ubak desya gata. Nabi Yesaya 43:25
  • Mubahgia kheueh ureuëng nyang murah até; Allah teuma murah até keu ureuëng nyan! Matius 5:7
  • Meunyoe gata tapeuamphon ureuëng nyang meusalah ubak gata, Bapak gata nyang na lam syeuruga pih geupeu-amphon keusalahan gata. Teuma meunyoe gata hana tapeuamphon keusalahan ureuëng laén, Bapak gata nyang na lam syeuruga pih hana geupeu-amphon keusalahan gata." Matius 6:14,15
  • Óh lheueh nyan Petrus geujak ubak Isa dan geupeugah, "Tuhan, meunyoe syedara ulôn meudesya ateueh ulôn, sampoe padub goe ulôn peu-amphon ureuëng nyan? Peu kheueh sampoe troh tujoh goe?" Geujaweueb lé Isa, "Hana, kon sampoe tujoh goe, teuma tujoh ploh kali tujoh goe! Matius 18:21,22
  • Isa geupeu habéh haba Gobnyan deungon geupeugah lagée nyoe, "Meunan cit deungon Bapak Ulôn di syeuruga teuma geupeusaneut ateueh gata maséng-maséng, meunyoe gata hana tapeu amphon rakan gata deungon ikhlaih." Matius 18:35
  • Dan meunyoe gata meudoá, teuma até gata hana mangat ubak sidroe-droe ureuëng, gata peuamphon kheueh ureuëng nyan ilée, mangat Bapak gata nyang na lam syeuruga geupeu amphon mandum desya-desya gata. Markus 11:25
  • "Bék jeuet keu hakém ureuëng laén, mangat gata keudroe bék geupeu hakém lé Po teu Allah. Bék teuma gata huköm ureuëng laén, mangat gata keudroe hana geuhuköm lé Po teu Allah. Gata peuamphon kheueh keu ureuëng laén, mangat Po teu Allah geupeu amphon gata. Lukas 6:37
  • Isa laju geumeudoá, "Ya Bapak, neupeuamphon kheueh awaknyan! Awaknyan hana jiteupeu peue nyang jipeubuet." Peukayan Isa laju jibagi-bagi lamkawan awaknyan ngon cara jiundi. Lukas 23:34
  • "Hana Pak," jaweueb inong nyan. "Meunyoe meunan bah kheueh," kheun Isa, "Ulôn pi hana lôn huköm gata. Jinoenyoe jak kheueh, bék tapeubuet desya le." Yahya 8:11
  • Nyang sikeubiet jih, bah kheueh gata beugét até dan gaséh sayang sidroe ngon nyang laén, dan saléng peumeuáh lagée Allah pi geupeu amphon gata rot Almaseh. Efesus 4:32
  • Gata meuseuti saba sidroe ngon nyang laén, dan saléng tapeu amphon meunyoe na nyang troh dam ateueh ureuëng laén. Tuhan ngon mangat até geupeu amphon gata, ngon lagée nyan gata pih meuseuti beutateum peu amphon sidroe ngon nyang laén. Kolose 3:13
  • Ulôn teuma kupeu amphon bubena nyang salah nibak awaknyan, dan hana Lôn ingat lé desya-desya awaknyan." Ibrani 8:12
  • Jaga kheueh bék na sampoe meusidroe pi nyang teubiet nibak lingkongan ngon nibak jroh até Allah, mangat bék sampoe na lagée seunaman nyang meuracon lamkawan gata akhé jih jipeuteuka bala dan jipeurusak ureuëng ramé ngon racon nyan. Ibrani 12:15
  • Teuma meunyoe tanyoe ta-aku desya-desya geutanyoe dikeue Po teu Allah, Gobnyan teuma geupeutrok janji Geuh dan geupeubuet peue nyang ade. Gobnyan teuma geupeu amphon bubena desya-desya geutanyoe dan geupeu gleh geutanyoe nibak mandum buet tanyoe nyang salah. 1 Yahya 1:9