Spiritual Growth


  • Teuma Gobnyan geuteupeue banmandum rot ulôn meunan cit tieb-tieb langkah lôn. Meunyoe lagée méuh ulôn geu-ujoe, jeuet keu bukeuti bahwa até ulôn gleh. Ayub 23:10
  • Gobnyan geutarek ulôn nibak uruek nyang paleng meubahya, dan nibak luhôb paya. Gobnyan geukeubah ulôn di ateueh bukét batée, deungon nyan langkah ulôn mantab. Zabur 40:3
  • TUHAN geuseunuét ureuëng nyang geucinta nyan, saban cit lagée sidroe ayah geuseunuét aneuëk gobnyan nyang lumpah geugaséh. Amsal 3:12
  • Meunyoe beulangöng nyang teungoh geupeuget nyan kureueng sampoereuna, laju jipeugét lom jeuet keu beulangöng nyang laén nyang sisuai deungon nyang jimeuheuet. Nabi Yeremia 18:4
  • Peu kheueh mantong tajeuet atawa mantong teuga gata keu tabeuôt jaroe gata óh ka lheueh seuleusoe Lôn huköm gata? Ulôn, TUHAN Nyang Mahamanyang ka Lôn peugah haba dan Ulôn Lôn peubuet peue nyang ka Ulôn peugah. Yehezkiel 22:14
  • Teuma ubak gata Ulôn bri até nyang barô dan pikeran nyang barô. Até gata nyang kreueh lagée batée nyan Lôn gantoe ngon até nyang taát. Yehezkiel 36:26
  • "Nah, ureuëng nyang deungoe tutoe haba Lôn nyoe, dan jipeubuet lagée Lôn peugah, saban lagée ureuëng carông geupeudong rumoh di ateueh batée. Matius 7:24
  • Meunan cit hana ureuëng nyang jiroe ié anggô barô dalam baluem kulét nyang ka tuha. Sabab baluem nyan teuma beukah dan rusak, dan ié anggô lam baluem nyan laju ro uluwa. Anggô barô harôh teuleng lam baluem nyang barô, mangat bandua nyan teutab gét." Matius 9:17
  • Teuma peulayan nyang hana jiteupeu keuheundak Po jih, óh lheueh nyan jipeubuet buet-buet nyang salah sampoe harôh teuseunuet, teuma teuseunuet bacut mantong. Sabab ureuëng nyang ka lheueh teubri nyang jai, nibak ureuëng nyan teuma teulakée nyang leubeh jai lom. Dan keu ureuëng nyang teupeucaya nyang jai, nibak ureuëng nyan teuma teulakée nyang leubeh jai lom." Lukas 12:48
  • "Simon, Simon, deungoe kheueh nyoe! Iblih ka teubri idhin keu jiujoe gatanyoe; lagée gandom teupeu aséng nibak kulét sampoe nyang gét teupeu aséng nibak nyang brok. Teuma Ulôn ka Lôn meudoá keu gata, hei Simon, mangat iman gata bék cupa. Dan meunyoe gata katagisa ubak Ulôn, gata harôh tapeukong bubena syedara-syedara gata." Lukas 22:31, 32
  • Gobnyan kheueh paleng peunteng, dan ulôn maken kureueng peunteng." Yahya 3:30
  • Keubiet beutôi nyang Ulôn peugah nyoe: meunyoe sianeuëk gandom hana teupula lam tanoh dan maté, aneuëk gandom nyan teutab tinggai sianeuëk. Teuma meunyoe aneuëk gandom nyan maté, barô kheueh jipeuhase gandom nyang le. Yahya 12:24
  • Tieb-tieb cabeueng nibak Ulôn nyang hana muboh, laju teukoh, dan tieb-tieb cabeueng nyang muboh geupeukureueng ôn jih dan geupeu gleh mangat leubeh jai jimuboh. Yahya 15:2
  • Teutab meusaboh ngon Ulôn dan Ulôn pi teutab meusaboh ngon gata. Cabeueng keudroe hana hase jimuboh, keucuali meunyoe cabeueng nyan teutab na meukeumat ateueh bak jih. Meunan cit gata hase jimuboh, meunyoe teutab meusaboh ngon Ulôn. Yahya 15:4
  • Ngon teupumanö nyan, tanyoe teupeukubu meusajan ngon Almaseh dan meusajan maté ngon Gobnyan, mangat jeuet lagée toh Almaseh ka geupeu udeb nibak maté ngon kuasa Bapak nyang mulia, meunan kheueh tanyoe hase tarasa udeb nyang barô. Roma 6:4
  • Meunan cit bék teuma Gata seurah anggota tuboh gata ubak kuasa desya keu teupeuguna keu meukeusut-meukeusut nyang jeuhet. Teuma peujok kheueh droe gata ubak Allah sibagoe ureuëng nyang ka geupinah nibak maté ubak udeb. Bie kheueh bansaboh tuboh gata ubak Allah mangat geupeu guna keu geupeubuet keuheundak Allah. Roma 6:13
  • Syedara-syedara! Allah biet that-that jroh ateueh geutanyoe. Nyang kheueh sabab jih ulôn meulakée ngon meuharab that mangat gata tapeuseumah droe gata sibagoe keureubeuen udeb nyang khusos keu Allah dan nyang that-that teupeugalak até Gobnyan. Iébadat gata ubak Allah nyang sibeuna jih nyang kheueh lagée nyan. Bék gata seutôt atoran-atoran donya nyoe. Peubiyeu mantong Allah geupeujeuet pribadi gata jeuet keu barô, mangat gata meu-ubah. Ngon na lagée nyan gata hase tateupeue keuheundak Allah -- na kheueh peue nyang jroh nyang jeuet keu galak até Gobnyan dan nyang sampoereuna. Roma 12:1, 2
  • Tieb-tieb cubaan nyang Gata rasa na kheueh cubaan nyang ka lazem jirasa lé manusia. Teuma Po teu Allah seutia ubak janji Gobnyan. Gobnyan hana teuma geupeubiyeu Gata jiujoe leubeh nibak keusanggopan gata. Bak watée Gata jiteuka ngon cubaan, Gobnyan laju geubri jalan keugata beujeuet keuteuga mangat Gata hase tameuteun. 1 Korintus 10:13
  • Nyang kheueh sabab jih kamoe hana putôh asa. Bah kheueh kamoenyoe seucara lahé seumaken meutamah rusak, teuma seucara batén kamoenyoe geupeujeuet barô tieb-tieb uroe. Dan susah nyang hana padub na nyoe, nyang kamoe rasa keusikeujab, teuma jipeuhase keu kamoe saboh keubahgiaan nyang luwabiasa dan siumu masa. Bahgia nyan jiôh leubeh rayeuk meunyoe teubandeng ngon susah nyan keudroe. 2 Korintus 4:16, 17
  • Ureuëng nyang ka meusaboh ngon Almaseh, ka jeuet keumanusia barô bansaboh tuboh. Nyang awai ka hana lé -- banmandum nyan ka jeuet keu barô. 2 Korintus 5:17
  • Beutôi kamoe mantong udeb lam donya, teuma kamoe hana meujuang ngon tujuan donya. Sinjata-sinjata nyang kamoe peuguna lam peujuangan kamoe kon sinjata donya nyoe, teuma sinjata-sinjata Allah nyang meukuasa. Ngon sinjata-sinjata nyan laju kamoe peuhanco bubena kuta-kuta; kamoe tangkeh bubena dobat-dobat 2 Korintus 10:3, 4
  • Teuma Tuhan geujaweueb, "Ulôn kugaséh gata dan nyan ka seb keugata; sabab kuasa Ulôn keubiet that teuga meunyoe gata lam keuadaan leumoh." Nyang kheueh sabab jih ulôn leubeh galak lôn peubangga hai-hai lôn nyang leumoh, sabab meunyoe ulôn ka leumoh, dan bak watée nyan kheueh ulôn rasa Almaseh geulindong ulôn ngon teunaga Gobnyan. 10 Ngon lagée nyan ulôn keubiet that galak ateueh keuleumohan lôn nyan. Ulôn biet that mangat até meunyoe lé sabab Almaseh ulôn jifiteunah, ulôn meuteumé susah, jilet-let dan ulôn meuteumé keupayahan. Sabab meunyoe ulôn leumoh, teuma bak watée nyan kheueh ulôn jiteuka teumakot. 2 Korintus 12:9, 10
  • Bah kheueh até dan pikeran gata teupeubarô banmandum. Bah kheueh gata udeb sibagoe manusia barô nyang teucebta meunurot pola Allah; na kheueh ngon tabiát nyang beutôi, teupat dan suci. Efesus 4:23, 24
  • Allah keudroe kheueh nyang peuphon buet nyang jroh nyan keu gata, dan ulôn yakén that Gobnyan teuma geupeubuet laju buet nyang lagée nyan sampoe seuleusoe bak Uroe Isa Almaseh geuteuka lom teuma. Filipi 1:6
  • Ka teuntée, Syedara-syedara, ulôn nyang sibeuna jih hana lôn peugah bahwa ulôn ka meuhase lôn reubot hadiah nyan. Teuma na saboh hai nyang ulôn peubuet, hainyan na kheueh ulôn putuwoe peue nyang na dilikot ulôn, dan lôn useuha ngon biet-biet that beumeuteumé peue nyang na dikeue. Nyang kheueh sabab jih ulôn teutab kuplueng mangat meuteumé tujuan akhé mangat meuteumé meunang, na kheueh udeb lam syeuruga; keu nyan kheueh Allah geutawök tanyoe rot Isa Almaseh. Filipi 3:13, 14
  • Meujuang kheueh beubiet-biet keu udeb lagée ureuëng Kristen mangat gata tareubot hadiyah seujati dan keukai. Sabab keunyan kheueh Allah geutawök gata bak watée gata ta-aku Gobnyan dikeue ureuëng ramé bahwa gata meuiman ubak Almaseh. 1 Timotius 6:12
  • Gata meuseuti meusajan meudeurita sibagoe sidadu Isa Almaseh nyang seutia. 2 Timotius 2:3
  • Syedara-syedara! Meunyoe gata jiteuka meubagoe macam cubaan, keubah kheueh lam até gata bahwa nyan na kheueh laba keu gata. Sabab gata tateupeue, meunyoe gata teutab meuiman ubak Tuhan bak watée teuka cubaan nyan ateueh gata, akibat jih na kheueh: gata jeuet keu ureuëng nyang tabah. Yakobus 1:2, 3
  • Sabab nyan, tundok kheueh ubak Allah dan lawan kheueh Iblih, ngon lagée nyan Iblih teuma jiplueng jitinggai gata. Yakobus 4:7
  • Deungon na lagée nyan bah kheueh gata bumangat até, bah pi jinoe lam watée nyang paneuk nyoe gata harôh seudeh le sabab gata tarasa meubagoe-bagoe cubaan. Nyan sibagoe teu ujoe gata peu kheueh gata biet-biet meuiman ubak Tuhan atawa hana. Méuh nyang hase rusak pi, teu ujoe ngon apui. Deungon lagée nyan, iman gata na kheueh leubeh muyuem nibak méuh nyan, nyang kheueh sabab teu-ujoe cit mangat meutamah kông. Deungon lagée nyan gata teuma teupujoe dan jihoreumat meunan cit teupeumanyang bak watée uroe Isa Almaseh geuteuka lom teuma. 1 Petrus 1:6, 7
  • Syedara-syedara nyang lôn cinta! Gata jinoenyoe that-that meudeurita sabab teungoh teu-ujoe. Teuma bék kheueh meurasa hireuen, siulah-ulah na sipeue-peue nyang luwabiasa keunong ateueh gata. Teuma, bah kheueh gata meurasa mangat sabab meusigoe meudeurita meusajan-sajan ngon Almaseh. Teuma singoh watée keuagongan Almaseh teupeuleumah, gata teuma meusukacita. 1 Petrus 4:12, 13