Gratitude and Thankfulness


  • Meusyukoe kheueh ubak TUHAN tapeusampoe kheueh keubeusaran Gobnyan, tapeugah kheueh buet-buet Gobnyan ubak bansa-bansa. 1 Tawarikh 16:8
  • Meusyukoe kheueh ubak TUHAN sabab Gobnyan jroh that; geunaséh Gobnyan keukai dan abadi. 1 Tawarikh 16:34
  • Tapeugah kheueh, "Ya Allah, Peuseulamat kamoe, neupeuseulamat kheueh kamoe nibak keukuasaan bansa-bansa dan neupeusapat kheueh kamoe lom mangat kamoe jeuet kamoe ucab syukoe dan kamoe pujoe nan Droeneueh nyang suci!" 1 Tawarikh 16:35
  • Ulôn rhah jaroe lôn tanda hana meusalah, dan ulônjak keulileng miseubah Droeneueh, ya TUHAN, sira lôn meuca-e ngon nyanyoe syuko, dan lôn peusampoe buet-buet Droeneueh nyang lumpah kagom. Zabur 26:6-7
  • Ca-e ngon nyanyoe keu uroe Sabat. Keubit jroh that teupeugah syuko ubak Droeneueh, ya TUHAN, dan teupujoe Droeneueh, Allah Nyang Mahamanyang; Zabur 92:1, 2
  • Jak geutanyoe tameuhadab ubak Gobnyan deungon ca-e lagu syukoe, meusurak geumbira keu Gobnyan deungon ca-e puja dan pujoe. Zabur 95:2
  • Tamong kheueh rot pintoe geureubang deungon ca-e lagu syuko, udalam peulataran Gobnyan deungon ca-e lagu puja ngon pujoe. Meusyuko kheueh ubak Gobnyan dan pujoe kheueh Gobnyan! Zabur 100:4
  • Bah kheueh awaknyan jilakée syukoe deungon jiba peuseumahan, dan jipeusampoe buet Gobnyan deungon lagu-lagu geumbira. Zabur 107:22
  • Meuca-e kheueh deungon lagu puja ngon pujoe ubak TUHAN, peumeuén kheueh keucapi keu Allah geutanyoe. Zabur 147:7
  • Peunduduek disinan jipujo Ulôn deungon meuca-e, dan seumurak meuhubo deungon geumbira. Ulôn peujeuet awaknyan jihoreumat lé ureuëng laén dan hana jihina, dan jeumeulah awaknyan meutamah le. Nabi Yeremia 30:19
  • Ya Allah, nyang geupujoe lé indatu lôn, Droeneueh lôn pujoe dan lôn peumulia. Sabab neubri ubak ulôn hikeumat dan teunaga. Peue nyang kamoe lakée ka Droeneueh peupeunoh. Dan jeunaweueb ubak raja ka Droeneueh tunyok." Daniel 2:23
  • Jeuet mantong tapeuseumah ruti sibagoe teurimong gaséh gata ubak Ulôn, dan jeuet mantong ta peugah haba nyang kon-kon bahwa gata ka taba sinamah peuseumahan! Pasti nyan kheueh nyang galak gata peubuet! Amos 4:5
  • Teuma ulôn meuca-e lagu puja ngon pujoe keu Droeneueh dan ulôn peuseumah keureubeuen keu Droeneueh. Meubagoe janji lôn peubuet. Droeneueh kheueh TUHAN nyang peuseulamat." Yunus 2:9
  • Ulôn sabe lôn lakée teurimong gaséh ubak Allah keuhai gata, sabab gata katateurimong rakhmat nibak Allah meulalu Isa Almaseh. 1 Korintus 1:4
  • Banmandum nyan na kheueh keu keupeuntengan gata. Sabab seumaken jai ureuëng nyang jirasa geunaséh Allah, seumaken jai teuma doá syukoe nyang jipeusampoe ubak Po teu Allah; ngon lagée nyan Allah jipeumulia. 2 Korintus 4:15
  • Bah kheueh até kamoe jipeuseudeh, teuma kamoe sabe lam geumbira. Kamoe deuh jih gasien, teuma kamoe ka kamoe peujeuet jai that manusia jeuet keu ureuëng kaya. Deuh jih kamoe hana sapeue na, teuma nyang sibeuna jih nibak kamoe dumpeue na. 2 Korintus 6:10
  • Ngon lagée nyan gata meuteumé dumpeue na lam sigala hai ngon lagée nyan gata sabe hase tameubri ngon murah até. Dan meuneubri-meuneubri gata nyang kamoe weuek-weuek keu ureuëng laén nyan, jeuet keusabab jai that ureuëng jilakée teurimong gaséh ubak Allah. 2 Korintus 9:11
  • Meunan cit hana patot nibak gata tapeuteubiet tutoe haba nyang kutoe, nyang cabui dan nyang hana pantaih. Dan nyang sibiet jih bah kheueh gata peugah syukoe ubak Po teu Allah. Efesus 5:4
  • Peuguna kheueh tutoe haba nyang na lam kitab zabur, ca-e puja ngon pujoe dan lagu rohani, bak tieb-tieb gata peugah haba. Bah kheueh gata ngon até nyang geumbira gata meulagu puja ngon pujoe ubak Tuhan. Sabe-sabe dan keuhai peue mantong, bah kheueh gata peugah teurimong gaséh ubak Allah Bapak, ateueh nan Isa Almaseh Tuhan geutanyoe. Efesus 5:19, 20
  • Bék kheueh khawate keuhai peue mantong. Lam hai-hai peue mantong. Lam sigala hai meudoá kheueh dan kirém kheueh meulakée gata ubak Allah. Peue nyang gata peureulée, bri tée kheueh nyan ubak Po teu Allah ngon cara gata peugah teurimong gaséh. Filipi 4:6
  • Ulôn peugah nyoe kon sabab di ulôn nyoe kakureueng sipeue-peue, sabab ulôn ka lôn meurunoe teurasa puih ngon peue nyang na. Filipi 4:11
  • dan meu-ukeue lam Gobnyan. Bah kheueh gata tapeudong udeb gata ngon Almaseh sibagoe dasai jih. Bah kheueh gata seumaken tameuiman ubak Almaseh, meunurot peue nyang ka teupeurunoe ubak gata. Dan bah kheueh até gata bumangat that sira tapeugah teurimong gaséh. Kolose 2:7
  • Bah kheueh gata meudoá ngon khusyuék dan sabe siab waspada, sira gata peugah syukoe ubak Allah. Kolose 4:2
  • Lam keuadaan peue mantong bah kheueh gata meusyukoe, sabab nyang lagée nyan kheueh nyang Allah lakée nibak gata sibagoe ureuëng nyang udeb meusaboh ngon Isa Almaseh. 1 Tesalonika 5:18
  • Peue-peue mantong nyang geucebta lé Allah nyan gét, dan hana meusapeue pi nyang harôh teuanggab hareuem meunyoe ka teuteurimong deungon teupeugah teurimong gaséh ubak Allah. 1 Timotius 4:4
  • Sabab nyan, ngon peurantaraan Isa, bah kheueh geutanyoe sabe tapujoe-pujoe Allah; nyang lagée nyan na kheueh sibagoe keureubeuen syukoe geutanyoe keu Gobnyan, nyang tanyoe peuseumah rot bibi tanyoe keu tapeumulia nan Gobnyan. Ibrani 13:15
  • Awaknyan geutawök, "Amin! Teupujoe kheueh Allah geutanyoe nyang agong dan bijaksana. Gobnyan patot teupeulimpah ngon tutoe haba syukoe dan horeumat. Gobnyan meukuasa dan teuga siumu masa! Amin." Wahyu 7:12
  • Awaknyan jipeugah, "Tuhan, Allah Nyang Mahakuasa, nyang na, dan nyang ka na! Kamoe meulakée teurimong gaséh bak Droeneueh sabab Droeneueh ka neupeuguna kuasa Droeneueh nyang paleng rayeuk, dan ka neupeuphon mat peurintah! Wahyu 11:17