Peace


  • Gata keudroe teuma meuteumé umu nyang panyang; gata maté deungon teunang, dan laju jipeutamong lam jrat. Keujadian 15:15
  • Seumoga TUHAN geubri teunaga keu umat Gobnyan, dan geupeujeuet awaknyan seujahteura. Zabur 29:11
  • Bék tapeuteubiet tutoe haba nyang jeuhet, dan bék tagalak keu tipée muslihat. Zabur 34:14
  • Ureuëng nyang miyueb até nyan kheueh nyang jeuet keuwaréh tanoh nyan, dan jirasa udeb makmu nyang meulimpah. Zabur 37:11
  • Neungieng kheueh ateueh ureuëng nyang jroh dan jujoe até; ureuëng nyang galak keu damé, nibak ureuëng nyan na masa ukeue nyang jroh. Zabur 37:37
  • Ureuëng nyang jicinta ubak huköm Droneueh, ureuëng nyan teutab aman dan teuntram, hana nyang hase linteung ureuëng nyang cinta ubak huköm Droeneueh nyan. Zabur 119:165
  • Meunyoe ulôn peugah haba keuhai damé, awaknyan jimeuheut keu muprang. Zabur 120:7
  • Meunyoe gata hase tapeugalak até TUHAN, musoh-musoh gata teuma geupeujeuet keurakan gata. Amsal 16:7
  • Allah cit teuma nyang peuteuntée watée keu geunaséh dan watée keu teubanci, watée keu jakmuprang dan watée keu meudamé. Peungkhotbah 3:8
  • Gobnyan geumat peurintah sibagoe raja keuturonan Nabi Daud, keurajeuen gobnyan rayeuk lumpah na. Nanggroe gobnyan sabe damé seujahteura; peumeurintah gobnyan dasai jih nibak huköm dan keuadelan jinoe sampoe siumu masa. TUHAN Nyang Mahakuasa pasti geulaksana. Nabi Yesaya 9:6
  • TUHAN, Droeneueh nyang bri damé dan seujahteura keu ureuëng nyang kong até, sabab ureuëng nyan peucaya ubak Droeneueh. Nabi Yesaya 26:3
  • Tieb-tieb ureuëng jipeubuet peue nyang beuna, sampoe na keuseujahteuraan dan keuteuntraman siumu masa. Nabi Yesaya 32:17
  • Bandum peunduduek gata jeuet keu murit Lôn, dan awaknyan teuma makmu seujahteura. Nabi Yesaya 54:13
  • Gata tatinggai Babel deungon sukacita, dan ji intat uluwa deungon seulamat. Gunong dan bukét meugeumbira dan meusurak ria, bak-bak kayée nyang na di blang jipok-pok jaroe. Nabi Yesaya 55:12
  • Hántom na teuntram nibak ureuëng meudesya." Nabi Yesaya 57:21
  • Gata hana tauseuha udeb nyang rukon, dan bandum buet gata hana nyang ade. Rot gata meupalet-palet, dan ureuëng nyang seutôt rot gata nyan hana mubahgia. Nabi Yesaya 59:8
  • Luhok ngon luka-luka umat Ulôn jianggab lé awaknyan luka ubit nyang hana meubahya, 'Ah, hana peue-peue nyan,' kheun awaknyan, 'banmandum gét dan aman.' Padahai meubacut pih hana. Nabi Yeremia 6:14
  • Bukon kheueh Ulôn nyang leubeh teupeue reuncana-reuncana Ulôn keu gata? Reuncana-reuncana nyan kon Lôn peuceulaka gata, teuma keuseujahteuraan gata dan keu Lôn bri ubak gata masa ukeue nyang peunoh harapan. Nabi Yeremia 29:11
  • Teuma saboh saát singoh Ulôn Lôn peupuléh keuadaan banda nyoe dan peunduduek banda nyoe keudroe; awaknyan teuga lom teuma. Ulôn kubri ubak awaknyan keuseujahteuraan dan keuamanan nyang meulimpah. Nabi Yeremia 33:6
  • Awaknyan keunong lé keuseudehan dan putôh asa, laju jimita keudaméan, teuma hana jiteumé. Yehezkiel 7:25
  • nabi-nabi peuleusu! Gata taramai bahwa Yerusalem aman dan béeréeh, padahai mubacut pi hana!" Meunan kheueh feureuman TUHAN Nyang Mahamanyang. Yehezkiel 13:16
  • Sabab raja nyan licek, tieb-tieb geuteumipée sabe meuhase. Raja nyan jipeusombong droe, dan hana teupeuingat leubeh ilée gobnyan geupeubinasa ureuëng ramé. Dan jihnyan jijeuet lawan Raja Nyang Maharayeuk. Teuma gobnyan teupeuhanco deungon hana teunaga manusia. Daniel 8:25
  • Deungon licek raja nyan jiseureubu daerah-daerah nyang gumbô dan subô tanoh jih, bak watée jidueb nibak tanoh nyang jireupah nyan meurasa aman disinan. Jihnyan laju jipeubuet peue nyang gohlom jipeubuet lé indatu jih keudroe. Laju jibagi-bagi keu bandum ureuëng-ureuëng nyang dukông jih peue-peue mantong barang nyang jireupah dan keukayaan nyang jiteumé di mideuen prang. Jihnyan jipeugét siasat keu jiprang teumpat-teumpat nyang meukuta, teuma watée jih karab that keuneuk habéh. Daniel 11:24
  • Kalon, sidroe utosan teungoh teuka nyang jijak rot ateueh gunong-gunong, jiba haba gét, haba keumeunangan. He bansa Yehuda, peuraya kheueh uroe raya gata dan tapeulheueh kheueh kaôi gata ubak Po teu Allah. Nanggroe gata hana le jijajah lé ureuëng jeuhet. Awaknyan ka geupeuhanco bube nyang na. Nahum 1:15
  • Dalam peujanjian nyan Ulôn meujanji ubak awaknyan udeb nyang aman dan keuseujahtraan, dan awaknyan Ulôn yue jihoreumat Ulôn. Bak masanyan awaknyan keubit jihoreumat Ulôn dan jitakot keu Ulôn. Malachi 2:5
  • Mubahgia kheueh ureuëng nyang ba damé lamkawan manusia; Allah teuma geu akui ureuëng nyan sibagoe aneuëk-aneuëk Gobnyan! Matius 5:9
  • Meunyoe ureuëng-ureuëng lam rumoh nyan geuteurimong gata, bah kheueh saleuem gata nyan teutab nibak awaknyan. Teuma meunyoe awaknyan hana jiteurimong gata, neutarek kheueh lom teuma saleuem gata nyan. Matius 10:13
  • "Bék kheueh neusangka bahwa Ulôn ba damé ateueh donya nyoe. Ulôn hana Lôn ba damé, teuma sitree. Matius 10:34
  • Isa geubeudôh, laju geudhôt angén nyan, dan geupeugah teuma ubak danau, "Iem, seungab kheueh!" Angén pih seungab, dan danau ka teunang lagée nyang ka. Markus 4:39
  • Dan Isa laju geupeugah ubak inong nyan, "Aneuëk Ulôn, sabab gata peucaya keu Ulôn, gata puléh! Jak kheueh laju deungon seulamat. Gata ka puléh banmandum!" Markus 5:34
  • Sira nyan gét, teuma meunyoe ka jeuet keutabeue, peu kheueh mungken teupeu masen lom? Teuma, bah kheueh gata jeuet lagée sira -- udeb kheueh meusajan-sajan deungon rukon." Markus 9:50
  • meunan kheueh Gobnyan geubri trang geuhnyan ubak mandum manusia nyang udeb lam seupôt lom teumakot raya. Gobnyan geubimbéng geutanyoe ubak rot ueh nyang teutuju bak keudaméan." Lukas 1:79
  • "Teupujoe kheueh Allah di langét nyang paleng manyang! Dan di ateueh bumoe, seujahteura kheueh manusia nyang peugalak até Tuhan!" Lukas 2:14
  • Teuma Isa geupeugah ubak ureuëng inong nyan, "Sabab gata tapeucaya ubak Ulôn, gata ka teupeuseulamat. Jak kheueh deungon damé!" Lukas 7:50
  • Meunyoe gata tamong lam saboh rumoh, gata bôt kheueh saleuem, 'Assalamuálaikum.' Lukas 10:5
  • Meunyoe jihnyan jiteupeu bahwa jihnyan gohlom séb teuga, kateuntée simantong musoh jih mantong jiôh, jihnyan teuma jikirém utosan jih keu jilakée meudamé." Lukas 14:32
  • Awaknyan jimeuhôi-meuhôi, "Teubri kheueh beureukat Raja nyang teuka ateueh nan Tuhan! Seujahteura kheueh lam syeuruga, dan teupujoe kheueh Po teu Allah!" Lukas 19:38
  • Teungoh awaknyan mantong meucalitra haba nyan, hana jisangka-sangka Isa ka teudong di teungoh-teungoh awaknyan laju geupeugah, "Seujahteura kheueh gata!" Lukas 24:36
  • Seujahteura Ulôn tinggai bak gata. Seujahteura Ulôn keudroe nyang Ulôn bri keu gata, nyang Ulôn bri nyan bukon lagée nyang jibri lé donya keu gata. Bék apoh apah dan bék teumakot. Yahya 14:27
  • Banmandum nyoe Ulôn peugah mangat gata meuteumé seujahteura sabab meusaboh ngon Ulôn. Lam donya gata teuma meudeurita. Dan tabah kheueh até gata! Ulôn ka Lôn peutaloe donya!" Yahya 16:33
  • Nyang kheueh sabab jih ulôn teumuléh keu gata. Seumoga Allah Bapak geutanyoe dan Tuhan Isa Almaseh geubri beureukat dan seujahteura ubak geutanyoe. Roma 1:7
  • Hanco ngon ázeb seungsara jitabu lé awaknyan dipat mantong. Awaknyan ka buta ateueh jalan keuseujahteuraan, dan hana jihoreumat Po teu Allah." Roma 3:16-18
  • Jinoenyoe tanyoe ka tameugét lom ngon Po teu Allah, sabab tanyoe tameuiman. Dan ngon sababnyan tanyoe udeb damé ngon Allah rot Tuhan geutanyoe Isa Almaseh. Roma 5:1
  • Meunyoe pikeran gata jikuasa lé tabiát manusia, akibat jih na kheueh maté. Teuma meunyoe pikeran gata jikuasa lé Roh Allah, teuma akibat jih na kheueh udeb damé ngon Allah. Roma 8:6
  • Dan pakriban kheueh ureuëng hase jiba haba nyan meunyoe ureuëng nyan hana teuyue jak? Lam Alkitab na teutuléh lagée nyoe, "Keubit that jroh jih jiteuka ureuëng-ureuëng nyang ba Haba Gét nibak Allah!" Roma 10:15
  • Nibak blaih gata, meu-useuha kheueh pakriban cara keu udeb damé ngon mandum ureuëng. Roma 12:18
  • Sabab meunyoe Allah geupeurintah udeb sidroe-droe ureuëng, peue nyang jeuet jimakheun atawa jijieb, hana peunteng lé. Nyang peunteng na kheueh bahwa ureuëng nyan jiturot keuheundak Allah, jirasa até nyang teunang dan jiteurimong suka cita nyang geubri lé Roh Allah. Roma 14:17
  • Sabab nyan tujuan tanyoe bah kheueh sabe keu hai-hai nyang teucebta keurukonan dan saléng tapeudong. Roma 14:19
  • Allah na kheueh teumpat gata meuharab. Seumoga Gobnyan geugaséh até gata ngon sigala suka cita dan seujahteura sabab gata meuiman ubak Gobnyan, mangat kuasa Roh Allah gata maken meuharab ubak Allah. Roma 15:13
  • Mudah-mudahan Allah, nyang bri seujahteura ateueh manusia, na meusajan gata banmandum. Amin. Roma 15:33
  • Ulôn tuléh suratnyoe sibagoe rasui Isa Almaseh, nyang geuangkat lé Allah keudroe dan ateueh keuheundak Gobnyan cit teuma. 1 Korintus 1:3
  • Teuma meunyoe ureuëng nyang hana meuiman nyan jitinggai lakoe jih atawa purumoh jih nyang Kristen, bék gata tam jih nyan. Lam hai nyoe Gata nyang inong atawa nyang agam beubaih, sabab Allah meuharab mangat Gata udeb ngon rukon. 1 Korintus 7:15
  • Po teu Allah na kheueh Allah nyang galak keuteureuteb; Gobnyan kon Allah nyang harôk keu buet nyang karu. Lagée nyang ka teupeugét lam banmandum jeumaáh Allah, 1 Korintus 14:33
  • Akhé jih, Syedara-syedara, bah kheueh gata bumangat até, dan meu useuha kheueh jeuet keusampoe reuna. Teurimong kheueh peue-peue mantong nyang ulôn naseuhat nyoe. Bah kheueh gata saboh até dan udeb nyang rukon. Allah Nyang Mahapeugaséh dan nyang peudamé nyan teuma sabe na meusajan gata. 2 Korintus 13:11
  • Galatia 1:3
  • Keu ureuëng nyang udeb lagée peundirian nyan, dan meunan cit teuma keubanmandum umat Po teu Allah, ulôn meuharab Allah geubri keuseujahteuraan dan rahmat Gobnyan. Galatia 6:16
  • Teuma, meunyoe ureuëng-ureuëng nyang jipimpén lé Roh Allah, hase jih na kheueh lagée nyoe: Awaknyan saléng na gaséh sayang, awaknyan sabe lam geumbira, até awaknyan teunang, awaknyan saba dan meubudho basa, awaknyan gét ateueh ureuëng laén dan awaknyan seutia, Galatia 5:22
  • Sabab Almaseh keudroe nyang peudamé tanyoe. Gobnyan geupeu saboh ureuëng-ureuëng Yahudi dan ureuëng-ureuëng nyang bukon Yahudi jeuet keusaboh bansa. Beuton nyang peujiôh keu awaknyan, na kheueh saléng meumusoh, ka geupeu hanco lé Almaseh ngon cara geukeureubeuen droe Gobnyan keudroe. Huköm agama Yahudi ngon peurintah-peurintah dan peuratoran-peuratoran jih ka geusampôh lé Almaseh mangat dua boh bansa nyan jeuet keusaboh bansa manusia barô, nyang meusaboh ngon Gobnyan. Ngon caranyan kheueh Almaseh geupeuna damé. Efesus 2:14,15
  • Useuha kheueh beu biet-biet keu udeb lam damé mangat meusaboh nyang ka geucebta lé Roh Allah teutab teupeulara. Efesus 4:3
  • Bah kheueh keurilaan até gata tapeusampoe Haba Gét nyang teuba ubak seujahteura jeuet keusipatu gata. Efesus 6:15
  • Peujak kheueh peue nyang ka gata meurunoe dan gata teurimong nibak ulôn; bah kheueh nyan nibak tutoe haba meunan cit nibak buet-buet nyang ulôn keureuja. Allah teumpat sigala seujahteura, teuma na meusajan gata. Filipi 4:9
  • 20 Dan rot Aneuëk nyan teuma Allah geucok keuputosan keugeupeugét peue-peue mantong jimeugét lom teuma ngon Gobnyan -- bah kheueh nyang na peue-peue ateueh rhueng bumoe, meunan cit nyang lam syeuruga. Allah geupeubuet nyan rot Aneuëk Gobnyan maté bak kayée saleb. Kolose 1:20
  • Bah kheueh peue-peue mantong nyang gata cok keuputosan jipeuteuntée nibak damé nyang geubri lé Almaseh lam até gata. Sabab Allah geutawök gata jeuet keu anggota saboh tuboh, mangat gata udeb lam damé nibak Almaseh nyan. Bah kheueh gata meuteurimong gaséh. Kolose 3:15
  • Meunyoe na ureuëng jipeugah, "Banmandum aman dan teuntram," teuma bak watée nyan kheueh ngon hana teusangka-sangka awaknyan teuma jitimpok lé binasa, dan hana meusidroe pih nyang hase jipeuseulamat droe. Hai nyan teuma teuka ngon hana teusangka-sangka, lagée peurasaan sakét jitôh aneuëk nibak sidroe ureuëng inong nyang keuneuk jipeulahé aneuëk. 1 Tesalonika 5:3
  • Peujiôh kheueh peue-peue nyang jiharok lé ureuëng muda. Useuha kheueh ubak udeb lagée nyang geulakée lé Allah, seutia nibak ajaran Gobnyan dan teugaséh seusabe manusia, dan na até nyang teuntram. Udeb kheueh ngon awaknyan nyang jilakée tulông ubak Tuhan ngon até nyang murni. 2 Timotius 2:22
  • Useuha kheueh keu udeb rukon ngon mandum ureuëng. Meunan cit useuha kheueh teuma keu udeb suci, khusos keu Tuhan. Sabab hana meusidroe pi nyang hase jikalon Tuhan meunyoe jihnyan hana udeb lagée nyan. Ibrani 12:14
  • Allah ka geupeu udeb Tuhan geutanyoe Isa nibak maté. Sabab maté Geuh nyan Gobnyan jinoenyoe Geumbala Agong keu geutanyoe, nyan kheueh bubiri-bubiri Gobnyan. Lé maté Geuh nyan cit teuma teupeusah peujanjian keukai nyang ka geupeugét lé Allah ngon geutanyoe. Ibrani 13:20
  • Keubiet buet nyang jroh na kheueh hase nibak bijéh damé nyang jitabu lé ureuëng-ureuëng nyang cinta damé. Yakobus 3:18
  • Ureuëng nyan beujipeujioh nyang jeuhet dan jipeubuet nyang gét; bah kheueh jimeujuang biet-biet beujiteumé damé. 1 Petrus 3:11
  • Dan laju saboh guda nyang laén jiteubiet lom teuma. Guda nyan mirah hi jih. Nyang duek ateueh guda nyan geubri kuasa keu jipeuleunyab keuadaan damé ateueh rhueng bumoe, mangat manusia sabe jipoh keudroe-droe. Ngon lagée nyan bak jihnyan laju geujok saboh peudeueng nyang rayeuk. Wahyu 6:4