Pride


  • Gata peu-im kheueh haba gata nyang sulet! Bék kheueh tapeugah haba nyang meuhina! Sabab TUHAN nyan na kheueh Po teu Allah nyang keubit áréh; nyang geupeuhakém mandum buet manusia. 1 Samuel 2:3
  • Geujaweueb lé Raja Ahab, "Tajak peugah laju ubak Raja Benhadad nyan: Tantra nyang seujati lam tuboh jih ji ilée darah rasa bangga meunyoe ka lheueh jimuprang di mideuen juang, bukon sigohlom nyan." 1 Raja-Raja 20:11
  • Ureuëng nyang sombong teuma geuhina; dan ureuëng nyang miyueb até teuma bijaksana. Amsal 11:2
  • Ureuëng nyang angkoh nyang jipeuhase na kheueh dakwa-dakwi; ureuëng nyang bijaksana geutem teurimong ajaran. Amsal 13:10
  • TUHAN geureuloh rumoh ureuëng nyang manyang até, teuma tanoh atra sidroe inong balée teutab geulindong. Amsal 15:25
  • Banmandum ureuëng sombong geubanci lé TUHAN; Gobnyan hana geupeubiyeu awaknyan teuhinda nibak huköman. Amsal 16:5
  • Ureuëng sombong meuakibat ubak keuhancoran; dan keuangkohan meuakibat ubak reuloh. Amsal 16:18
  • Na rot ueh nyang leumah jih sulu, teuma akhé jih rot ueh nyan teujak ubak mawöt. Amsal 16:25
  • Ureuëng nyang sombong teuma reubah, dan ureuëng nyang miyueb até teuma jihoreumati. Amsal 18:12
  • Ureuëng nyang taqwa ubak TUHAN dan jipeumiyueb droe, ureuëng nyan meuteumé bahgia, makmu dan jihoreumat lé gob. Amsal 22:4
  • Ureuëng sombong teuma geupeumiyueb; dan ureuëng nyang miyueb até teuma geupujoe. Amsal 29:23
  • Alam raya nyoe na kheueh buet jaroe Lôn, dan banmandum nyan teupeujeuet. Teuma nyang Ulôn galak na kheueh ubak ureuëng nyang miyueb até, nyang meunyeusai keumandum desya-desya jih, nyang teumakot dan taát ubak Ulôn. Nabi Yesaya 66:2
  • Sabab tieb-tieb ureuëng nyang jipeumanyang droe jih teuma teupeumiyueb, sikeubiet jih ureuëng nyang jipeumiyueb droe jih teuma teupeumanyang." Lukas 14:11
  • Ureuëng nyang jisangka droe jih teudong ngon teugab, gét kheueh beu até-até; bék sampoe jihnyan reubah. 1 Korintus 10:12
  • Teuma, meunyoe ureuëng-ureuëng nyang jipimpén lé Roh Allah, hase jih na kheueh lagée nyoe: Awaknyan saléng na gaséh sayang, awaknyan sabe lam geumbira, até awaknyan teunang, awaknyan saba dan meubudho basa, awaknyan gét ateueh ureuëng laén dan awaknyan seutia, awaknyan miyueb até, dan sabe hase jikuasa droe. Hana huköm agama nyang larang hai-hai nyang lagée nyan. Galatia 5:22,23
  • Bék kheueh gata peubuet sapeue lé sabab jidurong lé keupeuntengan gata keudroe, atawa keu gata peusombong droe. Nyang sikeubiet jih bah kheueh gata maséng-maséng ngon até nyang miyueb ta anggab ureuëng laén leubeh gét nibak droe keudroe. Peurati kheueh keupeuntengan ureuëng laén; bék keupeuntengan droe keudroe. Bah kheueh gata na jiwa lagée Isa Almaseh: Filipi 2:3-5
  • Teuma bahpi meunan, rakhmat Allah nyang geubri keugeutanyoe leubeh teuga nibak nafeusu roh tanyoe nyan. Nyang kheueh sabab jih lam Alkitab na cit teutuléh lagée nyoe, "Allah geulawan ureuëng nyang sombong, teuma gobnyan geugaséh keu ureuëng nyang miyueb até." Yakobus 4:6
  • Bah kheueh gata peumiyueb droe dikeue Tuhan, deungon lagée nyan Tuhan teuma geupeumanyang gata. Yakobus 4:10
  • Meunan cit teuma deungon Gata, nyang ureuëng muda. Tundok kheueh ubak ureuëng tuha. Gata banmandum harôh tapeumiyueb droe sabe peutimang deungon até nyang miyueb. Sabab lam Alkitab na teutuléh lagée nyoe, "Po teu Allah geulawan ureuëng nyang sombong, teuma geugaséh keu ureuëng nyang miyueb até." Sabab nyan, peumiyueb kheueh droe gata dimiyueb jaroe Allah nyang teuga, ngon lagée nyan Gobnyan geupeumanyang gata watée katrok watée. Seurah kheueh banmandum nyang gata khawate nyan ubak Allah, sabab Gobnyan geungieng gata. 1 Petrus 5:5-7