Separation


  • Geupeugah teuma lé Laban, "Seumoga TUHAN geukawai geutanyoe simantong tanyoe udeb jiôh lagée nyoe bagoe." Nyang kheueh sabab jih teumpat nyan geuboh nan nyang laén Mizpa.
    Keujadian 31:49
  • Nyoe kheueh aneuëk nyang ulôn lakée ubak TUHAN uroe jéh. Doa ulôn ka geupeutrok lé Gobnyan, dan lé sabab nyan aneuëk nyoe ulôn seurah jeuet keuhak milék TUHAN siumu udeb jih." Óh lheuehnyan awaknyan laju geuseumayang ubak TUHAN.
    1 Samuel 1:27, 28
  • Bahpi ulôn rhot lam barieh nyang seupôt, teuma diulôn hana lôn takot keubahya, sabab Droeneueh nyang jeuet keungon ulôn. Droeneueh neulindong ulôn lagée ureuëng meurabe jijaga bubiri jih deungon tungkat dan gada.
    Zabur 23:4
  • Bahpi ayah ngon ma geutinggai ulôn, teuma Allah teutab neupeulara ulôn.
    Zabur 27:10
  • Meunyoe ureuëng saléeh nyang meuhôi, TUHAN geudeungoe, dan geupeuseulamat awaknyan nibak banmandum nyang salah.
    Zabur 34:18
  • Gobnyan geupeupuléh ureuëng nyang ka patah até, dan geubalot bubena luka-luka awaknyan.
    Zabur 147:3
  • Ié nyang le hana hase jipeulon cinta, dan ié raya hana hase jipeuhanyöt atranyan teuma. Meunyoe sidroe-droe ureuëng geubri banmandum hareuta gobnyan keu geubloe cinta, pasti peunghinaan nyang geuteumé teuma. Syedara-syedara agam ureuëng inong
    Seulaweut Agong 8:7
  • Gata hana teuma Ulôn tinggai sidroe sibagoe aneuëk yatem ngon meuntui. Ulôn teuma kuriwang bak gata.
    Yahya 14:18
  • Banmandum deurita nyang tarasa bak watée nyoe, meunurot peundapat ulôn, hana hase tapeusa mubacut pih ngon keumuliaan nyang teuma geupeugah ubak geutanyoe.
    Roma 8:18
  • Gobnyan geupeukong baten kamoe bak tieb-tieb kamoe meuteumé susah, mangat jeuet ngon teunaga nyang kamoe teurimong nibak Po teu Allah nyan, kamoe jeuet kamoe peukong baten banmandum ureuëng nyang lam apoh apah.
    2 Korintus 1:4
  • Teuma lé sabab Almaseh, banmandum nyang yoh ilée ulôn anggab sibagoe nyang jibri laba nibak ulôn, jinoenyoe keubiet ka jeuet keusipeu-peu nyang lumpah that rugoe. Kon mantong hai-hai nyang teupeugah nyan, teuma peue-peue mantong nyang lôn anggab hai-hai nyang rugoe mubara. Nyang na nibak ulôn watée nyoe na kheueh nyang paleng meuyuem; na kheueh lôn turi Isa Almaseh, Tuhan ulôn. Sabab Almaseh, banmandum nyan ka ulôn böih banmandum. Ulôn anggab banmandum nyan lagée bloih mantong, mangat ulôn hase meuteumé Almaseh,
    Filipi 3:7,8
  • Syedara-syedara, kamoe meuharab mangat gata teupeu nyang sibeuna jih keuhai ureuëng-ureuëng nyang ka meuninggai donya; mangat gata hana seudeh até lagée ureuëng-ureuëng nyang hana peungharapan.
    1 Tesalonika 4:13
  • Gata peureulée that beusaba, mangat gata hase tapeubuet keuheundak Allah dan deungon lagée nyan tateurimong peue nyang ka geupeu janji.
    Ibrani 10:36
  • Nyan sibagoe teu ujoe gata peu kheueh gata biet-biet meuiman ubak Tuhan atawa hana. Méuh nyang hase rusak pi, teu ujoe ngon apui. Deungon lagée nyan, iman gata na kheueh leubeh muyuem nibak méuh nyan, nyang kheueh sabab teu-ujoe cit mangat meutamah kông. Deungon lagée nyan gata teuma teupujoe dan jihoreumat meunan cit teupeumanyang bak watée uroe Isa Almaseh geuteuka lom teuma.
    1 Petrus 1:7