Difficulties


  • Sa sega ni oti rawa na falawa kei na waiwai me vaka na vosa i Jiova, sa vosa kina o Ilaijia. 1 Tui 17:16
  • O na vunitaki mai na kaukauwa ni vosa, o na sega ni rerevaka ni sa lako mai na veivakarusai. Jope 5:21
  • E vauca na wai ena Nona o vavaku, ia na o e sega ni cavuka e rukuna. E ubia o Koya na mata ni Nona i tikotiko vaka-Turaga, Ka tevuka na Nona o e delana. Sa toqa o Koya e dua nai yalayala e na dela ni wai, E nai yalayala ni rarama kei na butobuto. Jope 26:8-10
  • Ai drodro o Jiova vei ira sa vakararawataki, ai drodro talega vei ira sa vakacacani. Kei ira talega, era sa kila na Yacamuni ka vakararavi vei Kemuni; ni sa i kemuni Jiova sa sega ni guilecavi ira sa vakasaqarai Kemuni. Same 9:9-10
  • O Jiova, sa kila na nodra siga na yalododonu, kei na nodra i votavota ena sega oti rawa. Era sa sega ni madua rawa ena veigauna ca ka ra na marau tu ga ena gauna ni dausiga. Same 37:18,19
  • E dina ena lutu o koya, ena sega ga ni lutu vakadua sara; ni na keveti koya cake tale o Jiova. Same 37:25
  • Na Kalou sa noda i drodro kei na noda kaukauwa sa tu vakarau me vukei keda ena gauna ni leqa. Same 46:1-3
  • Oi kemudou na tamata, dou vakadinati koya ena gauna kecega; dou sovaraka na yalomudou. Sa noda i drodro na Kalou. Sela Same 62:8
  • O Ni sa lewa na wasawasa cudrucudru, ni sa tubu mai na kena biau, oi Kemuni ga sa vakamaravutaka. Same 89:9
  • Au sa tukuna ena vuku i Jiova, "Na noqu i Drodro kei na noqu Bai ni valu; na noqu Kalou, sai Koya ga au sa vakadinata." Same 91:2
  • O Jiova sa cecere sara, sa rui kaukauwa mai na rorogo ni wai e vadugu, mai na veiua kaukauwa sara ni wasawasa. Same 93:4
  • Na Kalou sa vakarurugi ira ena o, kei na bukawaqa me vakararamataki ira ena bogi. Era sa kerekere na tamata, Na Kalou sa qai tala mai vei ira na toa, ka vakamamautaki ira ena madrai mai lomalagi. Na Kalou sa vosa ki na vatu, ka sa Tacoma mai na wai; sa drodro yani ki na vanua mamaca me vaka na uciwai. Same 105:39-41
  • Sa vakamaravutaka na cagi, me sa malumu kina na kena ua. Same 107:29
  • Ena dua na vale vakacevaceva ena i vakaruru tiko ena gauna ni siga mai na katakata, e dua na vanua me i drodro mai na cava kei na uca. Aisea 4:6
  • Ni o ni sa vuni Kaukauwa vei ira na dravudravua, o ni vuni kaukauwa talega vei koya e vakaloloma, a i drodro mai na cava, kei na i vakaruru mai na katakata; na rogorogo e vakayacora na tamata rerevaki e vaka ga na cagi ni sa roba na lalaga. Aisea 25:4
  • Ni o sa lako e loma ni wai, Au na tiko kei iko, kei na loma ni uciwai, ena sega ni luvuci iko. Ni o lakova ena loma ni bukawaqa, o na sega ni kama, ena sega ni yameci iko na yameyame ni bukawaqa. Aisea 43:2
  • Au na livia yani na wai vua sa via gunu, kei na wai e vuqa ena vanua mamaca; au na sovaraka na Yaloqu ki vei ira nomu kawa, kei na Noqu veivakalouvinakataki vei ira na nomu i sema vakadra; Aisea 44:3
  • Sa yalovinaka o Jiova, ka sai vakaruru kaukauwa ena gauna ni leqa; ka sa kilai ira era sa vakararavi vua. Neumi 1:7
  • Kevaka sa vaka tu oqo na Kalou ena Nona kauwaitaka me vakasuluma na viavia ni buca o koya sa tubu ga ni kua ka vakamai ni mataka, e sega li ni bibi cake sara ki Vua mo dou vakaisulutaki, oi kenudou sa lailai na nomudou vakabauta? "O koya oqo dou kakua ni lomaocaoca, " mo dou tukuna tiko, na cava me keimami kania? 'Se cava me keimami gunuva?' se cava me keimami vakaisulu kina?' Maciu 6:30, 31
  • Ia sa tukuna vei ira o koya, "Na cava dou sa rui rere vakalevu kina, sa rui lailai na nomudou vakabauta?" Sa qai tucake mai o koya ka vunauca na cagi kei na wasawasa, ka sa maravu mai. E ratou sa kurabuitaki koya na nona tisaipeli, e ratou sa veivosaki ka vaka, o cei mada e rawa ni cakava tu na veika vaka oqo, ni cagi mada ga kei na wasawasa e talairawarawa vua?" Maciu 8:26, 27
  • "Ka raica, Au sa solia vei kemuni na kaukauwa mo dou lewa na gata kei na batibasaga, kei na nodra kaukauwa kece na meca, ena sega tale ni dua na ka me rawai kemudou mo dou ca kina. Luke 10:19
  • O cei me na tawasei keda mai na loloma i Karisito? Na veivakararawataki, se veivakaleqai, se dauveivakacalai, se na dausiga, se nai seleiwau? Me vaka na ka sa volai: "E na Vukumuni keitou sa vakamatei kina ena siga taucoko ka bogi; Keitou sa vaka na sipi sa vakarau me vakamatei". E na veika oqo eda sa qaqa tikoga kina ena vuku i Koya sa lomani keda. Ni'u sa kila dina sara, ni sa sega ni rawata na mate, se na bula, se o ira na agilosi, se o ira sa lewa, se o ira sa kaukauwa, se na veika sa yaco e daidai, se na veika ena yaco mai muri, Se na ka cecere, se na ka titobu, se dua tale na ka ni vuravura oqo me na tawasei keda mai na loloma ni Kalou, sa yaco ena vukui Jisu Karisito na noda Turaga. Roma 8:35-39
  • Ena vei yasana vava kecega keitou vakacacani mai kina, e sega ga ni mai rawai keitou, e vakatataro vakalevu sara na loma i keitou, ia keitou sega ni via suka i muri. Vakacacani sara vakaca, ia sega ni keitou guilecavi; viritaki sobu, ia sega ni keitou mate kina– 2 Koronica 4:8,9
  • Sa qai dro na yalewa oqo kina loma ni veikau, kina dua na vanua sa vakarautaka na Kalou, ena dau vakani tiko mai kea me dua na udolu ka rua na drau ka onosagavulu na siga. Vakatakila 12:6