Wisdom


  • Ka tukuna vei ira na turaganilewa, "Mo ni qarauna na veika o ni sa cakava, ni o ni sega ni na lewa e na vuku ni tamata ia e na vuku i Jiova ga, o Koya sa tiko vata kei kemuni e na nomuni lewa. 2 Veigauna 19:6
  • I Jiova, ni tuberi au ena Nomuni yalododonu, baleti ira na kequ meca. Me dodonu tiko na nomuni sala e mataqu. Same 5:8
  • Jiova mo Ni vakaraitaka vei au na Nomuni sala, ka vakavulici au kina. Liutaki au ki na Nomuni dina ka vakavulici au kina. Ni sa i Kemuni na Kalou, na noqu i vakabula; Kemuni ga, au sa waraka tiko ena veisiga. Same 25:4,5
  • O ira na yalomalumalumu sa tuberi ira ena lewa dodonu, sa vakavulici ira na yalomalua ena Nona sala. Same 25:9
  • Jiova, ni vakavulica vei au na Nomuni sala, mo Ni tuberi au ena sala vinaka, ena vukudra ga na kequ meca. Same 27:11
  • Au na vakarota vei iko ka vakavulica vei iko ena sala mo ni lako kina; na yaloka ni Mataqu ena tuberi iko. Same 32:8
  • O ira sa vakalouvinakataki mai vei Koya, era na taukena na vanua, ia o ira sa cudruvi mai vei koya, era na muduki tani. Same 37:23
  • O Ni na tuberi au ena Nomuni i vakasala ni oti o ya, o Ni na ciqomi au ena vanua vakaiukuuku. Same 73:24
  • Mo ni dolava na mataqu me'u raica rawa kina na veika veivakurabuitaki sa tu ena Nomuni vunau. Same 119:18
  • Na Nomuni vosa sa cina ki na yavaqu ka sa rarama ki na noqu gaunisala. Same 119:105
  • Ni sa curu yani na Nomuni vosa, sa solia na rarama; sa solia na kila deivaki vei ira na tamata wale. Same 119:130
  • Au via rogoca na Nomuni loloma vakayalovinaka ena veimataka, Ni sai Kemuni ga au sa vakadinata; Vukei au me'u, kila na sala me'u dau lako tikoga kina, ni'u sa laveta cake tikoga na yaloqu vei Kemuni. Same 143:8
  • Mo Ni vakavulici au, me'u cakava na Lomamuni, Ni sai Kemuni na noqu Kalou; na Yalomuni sa rui vinaka. Ni tuberi au ki na vanua ni dodonu sara. Mo Ni vakabulabulataki au, Jiova, ena vuku ni Yacamuni! Ena vuku ni Nomuni yalododonu mo Ni kauta tani na yaloqu mai na leqa kece. Same 143:10, 11
  • Ena vakarorogo na lomavuku, ka sa tubu kina nona vuku, kei na tamata lomakasa ena rawata nai vakasala ni yalomatua, Vakaibalebale 1:5
  • Io, mo tagica na kila na ka, tagica vakalevu na kilai deivaki ni ka, O na qai kila dina na rerevaki Jiova, ka kunea na kila ka Vakalou. Ni sa solia na Kalou na yalomatua; mai na gusuna sa lako mai kina na kila na ka kei na kila sara na ka; Vakaibalebale 2:3, 5, 6
  • Nuitaki Jiova ena yalomu taucoko, ka kua ni nuitaka na ka o kila; Ena veika kecega, vakaliuci Koya, ena qai vakadodonutaka na nomu i lakolako o Koya. Vakaibalebale 3:5,6
  • Ni o sa dau gade, ena tuberi iko; Ni o sa moce, ena maroroi iko; Ni o sa yadra, ena dau vosa vei iko. Vakaibalebale 6:22
  • Na sala ni tamata lialia, sa dodonu ga e matana, O koya sa rogoca nai vakasala sa yalomatua. Vakaibalebale 12:15
  • Na vakarautaki ni yalo sa nona na tamata, Ia, nai sau ni taro mai na yame ni tamata sa mai vei Jiova. Vakaibalebale 16:1
  • Rogoca nai vakasala ka taura na kena i vakamacala, mo yalomatua kina ena veisiga ni mataka. Vakaibalebale 19:20
  • Sa dau yaco na ka sa nakiti ni sa caka na bosebose vata, na bosebose vata vakayalomatua sa valuti kina nai valu. Vakaibalebale 20:18
  • Nai vakasala vakayalomatua o na valuta kina na nomu i valu, ni sa levu na dau ni vakasala, sa kune na tiko vinaka. Vakaibalebale 24:6
  • O ira na tamata ca era sa sega ni kila na lewa dodonu, O ira sa dau gu vei Jiova era sa kila na ka kecega. Vakaibalebale 28:5
  • Ena tikoga Vua na Yalo i Jiova na Yalo ni matua kei na lewa dina, na Yalo ni vakavuvuli kei na kaukauwa kei na Yalo ni daukila ka kei na rerevaki Jiova. Na Nona vu ni reki e tiko ena nona rerevaki Jiova, ena sega ni lewa o Koya me vaka na ka sa rairai walega, se vunauca na ka me vaka na ka sa rogoca e daligana; Aisea 11:2, 3
  • Au na kauti ira sobu na mataboko ena sala era sega ni kila; Au na liutaki ira ena sala era sega ni bau vakasamataka. Au na cakava na butobuto me rarama e matadra, kei na veivanua e veve me na dodonu yani. Na veika oqo Au na kitaka vei ira, Ni'u na sega ni biuti ira. Aisea 42:16
  • "Sa solia vei Au na Kalou o Jiova, na yame sa vakavulici rawa, me'u rawa ni kila kina na vosa Me'u rawa ni vosa kina vua sa oca, ka sa dau vakayadrati Au o koya ena veimataka, ka sa vakadirorogo na daligaqu, Me'u vakarorogo me vakataki ira era sa vakatavulici. Aisea 50:4
  • O Jiova ena tuberi iko tikotikoga, ka vakacegua na lomamu ena gauna ni dausiga, ka vakaukauwataka nomu sui; o na vaka e dua nai teitei bulabula kei na nomu bula ena vaka na mata ni wai, sa sega ni bau maca rawa. Aisea 58:11
  • Kemuni Jiova, au sa kila ni sa sega ni vu mai vua na tamata na nona sala; Sa sega ni tu vua na tamata sa lako tu na lewa ni nonai lakolako. Jeremaia 10:23
  • Era na lako mai ka tagi tu, ia Au na tuberi ira mai ka ni ra vakamamasu tu: Au na vakalakovi ira mai e na bati ni wai drodro e na sala dodonu, era na sega ni tarabe kina: ni keirau sa veitamani kei Isireli, ia o Ifereimi, sa Noqu ulumatua. Jeremaia 31:9
  • Sa qai solia na Kalou vei iratou na cauravou lewe va oqo, na vuku kei na kila ka; ka sa vuku o Taniela ka sa rawata me vakamacalataka nai balebale ni raivotu kecega kei na tadra. Taniela 1:17
  • "Mo ni kua ni via vakalewa me vaka ga na kenai rairai, mo ni lewa ena vakalelewa e dodonu." Joni 7:24
  • Oqo e sa na kena i katolu ni noqu na lako yani vei kemudou. "Mai na gusu ni lewe rua se lewe tolu, me ratou vakadinadinataka e dua na ka e ratou raica ni cala ni se bera ni vakatulewataki." 2 Koronica 13:1
  • Kevaka sa lailai na vuku vua e dua vei kemudou, me kerea Vua na Kalou, o Koya sa solia vakalevu kivei ira kecega na tamata, a sa sega ni dauveivakadirideini, e na solia ga vua o Koya. Jemesa 1:5
  • Ia na vuku mai cake sa savasava sara, e muri sa dau ia na veivakacegui ka yalomalua, sa vakamasuti rawarawa, sa sinai e na loloma kei na vua vinaka, sa sega ni digitaki ira vakatani na tamata, se dauveivakaisini. Jemesa 3:17