Separation
- O Misipa talega, baleta ni sa tukuna, "Me raica tiko mai o Jiova ena kedaru maliwa, ni daru sa dui tikotiko.
Vakatekivu 31:49 - "Na gone oqo au a masulaka, ka sa solia vei au o Jiova me vaka au a kerea Vua. "O koya oqo, au sa soli koya kina vei Jiova; ena nona bula taucoko sa na soli tiko vei Jiova o koya." E ratou sa qaravi Jiova mai kea.
1 Samuela 1:27, 28 - E dina ni'u sa lako ena buca ni yaloyalo ni mate, au na sega ni rerevaka na ca; ni kemuni sa tiko vata kei au, ena vakacegui au na Nomuni titoko kei na Nomuni matana ki lagi.
Same 23:4 - Ni rau sa biuti au na tamaqu kei na tinaqu, o Jiova sa qai keveti au.
Same 27:10 - Sa voleka o Jiova vei ira sa ramusu na yalodra, sa vakabulai ira sa dasila na yalodra.
Same 34:18 - Sa vakabulai ira sa ramusu na yalodra ka vauca na nodra mavoa.
Same 147:3 - Na wai sa sega ni rawa ni sotava na karamaca ni veivinakati, Se na ualuvu me vakaluvuca na veivinakati, Ni sa solia na nona veivinakati e dua na tagane Nai yau kece ni nona vale ena sega ni tarovi koya.
Sere I Solomoni 8:7 - "Au na sega ni biuti kemudou mo dou luveniyali Au na lako mai vei kemudou.
Joni 14:18 - Na veika rarawa eda sotava tiko oqo e vakalailai walega, me vakatautauvatani kei na veika lagilagi eda na laki taukena ni sa cava na bula eke.
Roma 8:18 - O Koya sa vakacegui keitou ena neitou rarawa kecega, me keitou vakacegui ira sa rarawa ena dua na ka, ena veivakacegui keitou sa vakacegui kina mai vua na Kalou.
2 Koronica 1:4 - Ia e sega sara ga ni dua na ka vinaka e kauta mai vei au, na ka kece oqori au sa biuta tani e na vuku i Karisito, Io e dina ga ni'u sa biuta tani taucoko na ka kecega, me rawa ni uasivi cake kina na noqu veikilai kei na noqu Turaga o Jisu Karisito, e na vukuna au sa vosota kina, me yali vei au, na ka kecega au vakararavi kina, au sa wiliki ira me vaka na benu e mataqu, me'u rawati Karisito ga kina me noqu.
Filipai 3:7,8 - Ia au sa sega ni vinakata mo dou sega tu ni kila na veiwekani, baleti ira sa moce, ka mo dou kakua soti ni rarawataki ira me vakataki ira sa sega tu na noda i nuinui.
1 Cesalonaika 4:13 - Sa yaga veikemudou na vosota vakadede ni dou sa cakava oti na lewa ni Kalou, dou na rawata na ka sa yalataki.
Iperiu 10:36 - Ka me rawa ni laurai kina na vakabauta dina sara me tu vei keda, na vakabauta vaka oqo e talei mai na koula sa vakatovolei oti ena buka, ka ena vakacaucautaki, ka ena dokai, ka ena lagilagi ena Nona na rairai mai o Jisu Karisito.
1 Pita 1:7