Pride


  • "Me kua tale na vosa vakadokadoka; me kua na viavialevu me lako mai na gusumuni, ni o Jiova, sa Kalou ni kila na ka; sa vakarautaka o Koya nai valavala kecega. 1 Samuela 2:3
  • Sa sauma na tui Isireli ka vaka, "Tukuna vua, 'Me kua ni dua e dara na nona i yaragi me dokadokataka me vakataki koya sa luvata na nona i yaragi.'" 1 Tui 20:11
  • Na viavialevu kei na madua, e rau sala vata, ia, na yalomatua sa nodra na yalomalumalumu. Vakaibalebale 11:2
  • Na dokadoka ena vakavuna na veileti, Na veirogorogoci e tukuna na yalomatua. Vakaibalebale 13:10
  • O Jiova ena vakarusa na nodra vale na dokadoka, ena vakadeitaka na nodra i yalayala na yada. Vakaibalebale 15:25
  • O ira vakayadua na tamata dokadoka, era sa ka ca sara vei Jiova; e dina nira na veitovaki, ia sa sega ga ni dua ena dro bula. Vakaibalebale 16:5
  • Ni liu na dokadoka, sa muri koya yani na rusa, Na yalo dauveibeci sa muri koya yani na beci. Vakaibalebale 16:18
  • Na sala sa nanuma na tamata ni sa vinaka, na kena i cavacava na sala ki na mate. Vakaibalebale 16:25
  • Na yalo viavialevu sa muri koya na rusa, Na yalo vinaka sa muri koya na veidokai. Vakaibalebale 18:12
  • Na yalomalunalumu kei na reravaka na Kalou sa veivakavutuniyautaki, kune kina na dokai kei na bula. Vakaibalebale 22:4
  • Na dokadoka ni tamata ena kauti koya sobu, Na malumalumu ni yalo ena maroroya tikoga na dokai. Vakaibalebale 29:23
  • Na ka kecega oqori sa cakava na ligaqu, na ka kece oqori e tu dei," sa tukuna o Jiova. "Ia na tamata Au sa na goleva me sa dau yalomalumalumu, ka voroki rawarawa na yalona, ka sa rerevaka na Noqu vosa. Aisea 66:2
  • "Ke dua e dau laveti koya cake ena vakamalumalumutaki sobu, ke dua e dau vakamalumalumutaki koya sobu ena laveti cake." Luke 14:11
  • O koya oqo me qarauni koya o koya sa nanuma ni sa kaukauwa tu, de qai yaco me malumalumu ena veika oqo. 1 Koronica 10:12
  • Ia na vua ni Yalo Tabu na loloma, na reki, na vakacegu, na dauvosota vakadede, na dauyalololoma, na dauyalovinaka, na vakabauta, Na dauyalomalua, na dauyalomalumalumu. Na veika oqori sa sega ni ia kina na cudruvi ena vunau. Kalatia 5:22,23
  • Me kua ni caka e dua na ka ena dela ni qaciqacia kei na dokadoka, ia mo dou kauti kemudou sobu, me ra uasivi cake kina vei kemudou o ira na tamata Dou kua ni dau nanumi kemudou tikoga, dou tovolea mo dou raici ira na kolaiciba tu e yasamudou. Me tiko vei kemudou na vakanananu oqo ka tu talega vei Karisito. Filipai 2:3-5
  • Ia sa solia vakalevu o Koya na loloma. "O Koya sa tukuna kina, o ira sa viavialevu sa vorati ira na Kalou, sa solia na loloma vei ira era sa yalomalumalumu." Jemesa 4:6
  • Dou vakamalumalumutaki kemudou e na mata ni Turaga, ka na laveti kemudou cake o Koya. Jemesa 4:10
  • Vei kemudou na cauravou, dou vakarorogo vei ira nomudou qase, io, mo dou veirogorogoci vakai kemudou, ka dou vakasulumi kemudou ena yalo malumalumu, ni sa "Dau vorati ira na viavialevu na Kalou, Ia sa dau lomani ira na yalomalua." O koya oqo mo dou qai vakamalumalumutaki kemudou ena ruku ni liga kaukauwa ni Kalou, ena qai laveti kemudou cake o Koya ena nona gauna ga. Dou vakataqara vua nomudou leqa kecega, ni sa daunanumi kemudou o Koya. 1 Pita 5:5-7