Salvation


  • Laju geupeugah lé Isa, "Peucaya kheueh! Meunyoe gata meu-ubah dan ka jeuet lagée aneuëk manyak, gata teuma jeuet keu anggota umat Po teu Allah. Matius 18:3
  • Teuma na cit ureuëng nyang teurimong Gobnyan, dan jimeuiman bak Gobnyan; awaknyan geubri hak jeuet keu Aneuëk Allah, Yahya 1:12
  • Geupeugah lé Isa, "Peucaya kheueh, hana meusidroe pih nyang jeuet keu anggota umat Allah, meunyoe jihnyan hana teupeulahé lom teuma." Yahya 3:3
  • Sabab Po teu Allah lumpah that geugaséh keu manusia lam donya nyoe, nyang kheueh Gobnyan geubri Aneuëk Gobnyan nyang tunggai, mangat tieb-tieb ureuëng nyang meuiman ubak Gobnyan hana binasa, teuma meuteumé udeb seujati dan keukai. Yahya 3:16
  • Ureuëng nyang meuiman bak Aneuëk nyan teuma meuteumé udeb seujati dan keukai. Teuma ureuëng nyang hana taát keu Aneuëk nyan ureuëng nyan hana meuteumé udeb. Jihnyan geuhuköm lé Po teu Allah siumu masa. Yahya 3:36
  • Ulôn bri keu awaknyan udeb seujati dan keukai, dan siumu masa awaknyan hana binasa. Hana meusidroe pi nyang hase jireupah awaknyan lam jaroe Ulôn.  Yahya 10:28
  • Geujaweueb lé Isa, "Ulôn kheueh rot keu teuturi ubak Allah dan meuteumé udeb. Hana meusidroe pih nyang hase jijak ubak Bapak, meunyoe hana rot Ulôn. Yahya 14:6
  • Paulus dan Silas geujaweueb, "Peucaya kheueh ubak Tuhan Isa! Gata teuma seulamat -- gata dan mandum ureuëng nyang na lam rumoh gata!" Kisah Rasui-Rasui 16:31
  • Mandum ureuëng ka meudesya dan jiôh nibak Po teu Allah nyang keuneuk peuseulamat awaknyan. Roma 3:23
  • Sabab maté na kheueh upah nibak desya; teuma udeb seujati dan keukai meusajan ngon Isa Tuhan tanyoe na kheueh meuneubri nyang geubri lé Allah ngon cuma-cuma. Roma 6:23
  • Sabab meunyoe Gata tapeubeuna ngon babah gata bahwa "Isa nyan Tuhan", dan Gata peucaya lam até teuh bahwa Allah ka geupeu udeb Isa nibak maté, ngon lagée nyan Gata teuma seulamat. Sabab ngon até jih ureuëng meuiman, sampoe Allah geuteurimong jihnyan sibagoe ureuëng nyang jimeugét ngon Allah. Dan ngon babah jih ureuëng meungaku, sampoe jihnyan teupeuseulamat. Lam Alkitab na teutuléh lagée nyoe, "Mandum ureuëng nyang jimeulakée ubak Tuhan, teuma geubri seulamat." Roma 10:9,10,13
  • Ureuëng nyang ka meusaboh ngon Almaseh, ka jeuet keumanusia barô bansaboh tuboh. Nyang awai ka hana lé -- banmandum nyan ka jeuet keu barô. 2 Korintus 5:17
  • Allah geugaséh gata, nyang kheueh sabab jih Gobnyan geupeu seulamat gata sabab gata meuiman ubak Isa. Seulamat nyang gata rasa nyan bukon lé sabab hase useuha gata keudroe. Nyan na kheueh anugeurah Allah. Ngon lagée nyan, hana meusidroe ureuëng pih jeuet jipeusombong droe jih keuhai nyan. Efesus 2:8,9
  • Gobnyan geupeu seulamat tanyoe, kon lé sabab tanyoe ka tapeubuet sapeue-peue buet nyang gét, teuma na kheueh Gobnyan keudroe keugeunaséh keu geutanyoe. Gobnyan geupeu seulamat tanyoe meulalu Roh Allah, nyang geubri bak geutanyoe lahé barô deungon cara geurhah geutanyoe. Titus 3:5
  • Keubiet meunurot huköm agama Yahudi, rab banmandum peue-peue mantong teupeusuci ngon darah; dan desya barô kheueh hase teupeu amphon meunyoe na darah nyang ro. Ibrani 9:22
  • Teuma meunyoe tanyoe ta-aku desya-desya geutanyoe dikeue Po teu Allah, Gobnyan teuma geupeutrok janji Geuh dan geupeubuet peue nyang ade. Gobnyan teuma geupeu amphon bubena desya-desya geutanyoe dan geupeu gleh geutanyoe nibak mandum buet tanyoe nyang salah. 1 Yahya 1:9
  • Ngieng kheueh! Ulôn dong bak babah pintoe dan Lôn keutok. Meunyoe na ureuëng nyang jideungoe su Lôn, dan jipeuhah pintoe, Ulôn teuma kutamong jak meurumpok ngon jihnyan; Ulôn teuma ku makheun meusajan-sajan ngon jih nyan dan jih nyan jimakheun teuma meusajan-sajan ngon Ulôn. Wahyu 3:20