Conviction


  • Mo Ni kua nai kauta tani na vosa dina mai na gusuqu, ni'u sa vakanuinui tiko ki na Nomuni vakaro. Same 119:46
  • Na rerevaka na tamata sa kauta mai nai cori, O koya sa vakararavi vei Jiova, sa na tiko vinaka. Vakaibalebale 29:25
  • Mo cabeta na ulunivanua cecere, o iko Saioni, ka kauta mai nai rogorogo vinaka mo tabalaka vakaukauwa na domomu o iko Jerusalemi, ka kauta mai nai rogorogo vinaka, mo tabalaka, kakua ni o rere; tukuna kina veikoro e Juta, "Raica na nomudou Kalou!" Aisea 40:9
  • "Sa solia vei Au na Kalou o Jiova, na yame sa vakavulici rawa, me'u rawa ni kila kina na vosa Me'u rawa ni vosa kina vua sa oca, ka sa dau vakayadrati Au o koya ena veimataka, ka sa vakadirorogo na daligaqu, Me'u vakarorogo me vakataki ira era sa vakatavulici. Aisea 50:4
  • Ia sa tukuna vei au o Jiova: "Mo kakua ni cavuta, 'Au sa gone ga oi au,' ni o na lako vei ira kecega Au sa talai iko kina, ia na ka kece talega Au sa vakarota vei iko, mo na tukuna. Jeremaia 1:7
  • "Me vaka na vatu qaqa, e kaukauwa cake ki na vatu e daulidi, Au sa cakava na yadremu me vakakina; kakua ni o rerevaki ira, se taqayataka na matadra, e dina ga ni ra sa vuvale dautalaidredre." Isikeli 3:9
  • Oi kemudou na rarama kei vuravura. Na koro sa tara toka ena delana sa sega ni tabonaki rawa. E na sega ni rawa me vakawaqaci na cina me qai la'ki biu ki na loma ni sova, ia ena kena i tutu ga, me rawa ni vakararamataki ira kina na tiko ena loma ni vale. Na nomudou bula me vaka kina ena kena raramasese vei ira na tamata, me ra raica kina ni dou sa kilikili kaya, ka vakarokorokotaka na Tamamudou sa tiko mai Lomalagi. Maciu 5:14-16
  • Vei koya ena madualaki Au kei na noqu vosa, vei ira nai tabatamata i valavala ca ka dauveibutakoci oqo, ena madualaki koya talega na luve ni tamata ena gauna ni nona lako mai ena i ukuuku nei Tamana kei ira na agilosi yalosavasava. Marika 8:38
  • "Ia dou na rawata na kaukauwa ni sa lako mai vei kemudou na Yalo Tabu; mo dou na qai yaco kina mo dou dautukuni Au mai Jerusalemi, mai Jutia taucoko kei Samaria, ka yacova sara nai yalayala kei vuravura." Cakacaka 1:8
  • Ena nodra sa raica tiko na nodrau yalo qaqa o Pita kei Joni,ni ra sa kila talega e rau sega ni tamata vuli se me bau dua na ka rau kila tu, era sa kurabui sara kina. E dua ga na ka era sa qai vakasamataka rawa ni rau a dau bula vata kei Jisu. Cakacaka 4:13
  • Ia sa qai vosa o Pita kei iratou nai apositolo ka vaka: Keitou na talairawarawa ga vua na Kalou, ka sega vua na tamata. Cakacaka 5:29
  • Au sa sega ni maduataka nai tukutuku vinaka I Karisito, ni sai koya oqo, na kaukauwa ni Kalou me veivakabulai vei ira kecega sa vakabauta, sa liu vei ira na Jiu kei ira talega na kai Kirisi. Roma 1:16
  • Kivei au talega, me soli vei au na galala me'u vosa, me rawa kina ni'u tukuna vakadoudou me kilai na ka vuni ni tukutuku vinaka, Ena ka oqo au sa vesuki tu kina; me rawa ni'u vosa doudou, me vaka ni sa dodonu me'u vosa. Efeso 6:19, 20
  • Ia ena vuku ga ni sa digitaki keitou na Kalou me keitou tawasei ena vuku ni tukutuku vinaka, dou raica ga ena neitou vunau ni keitou sega ni via vakalomavinakataka e dua na tamata, na Kalou duadua ga ni kila tiko na yaloi keitou. 1 Cesalonaika 2:4
  • O koya mo kua kina ni madualaka nai tukutuku ni noda Turaga, o iko o sega ni vesu vakataki au, ia mo wasea vata ga kei au na veika rarawa, ena vuku ni tukutuku vinaka ena kaukauwa ni Kalou. 2 Timoci 1:8
  • A veika oqo mo vosataka ka vakarota ka vunautaka vakabibi sara. Me kakua ni dua me beci iko. Taitusi 2:15
  • Ka me uasivi na nomudou i valavala ena kedra maliwa na sega ni lotu, ni ra via vosataka e dua na ka ca baleti kemudou, ena sega ni rawa, ka ni ra raica sara tu ga na uasivi ni bula dou bulataka, ena ka oqori era na vakarokorokotaka kina na Kalou. 1 Pita 2:12