Vice


  • Na waini sa ka ni marau, na gunu e veiwakitaki Sa kauta mai na veivala, o koya sa vakasesei kina sa sega ni yalomatua. Vakaibalebale 20:1
  • O koya sa ubia na nona i valavala ca, sa sega ni vuavuai vinaka, O koya sa vakatusa ka biuta na nona caka cala ena bula ka kune loloma. Vakaibalebale 28:13
  • "O koya oqo, kevaka sa sereki kemudou na Luvena, o ni sa sereki vakaidina. Joni 8:36
  • Oi kemudou talega, mo dou mate ki nai valavala ca, ia mo dou bula vua na Kalou, e na vuku i Jisu Karisito na noda Turaga. O koya oqo, me kakua ni vakatulewa tiko ena yalomudou nai valavala ca, de qai tuberi kemudou ka liutaki kemudou na kena gagadre ca. Dou kakua ni solia na veitiki ni yagomudou ki nai valavala ca, me caka kina na ka ca, dou soli kemudou ga vua na Kalou, ni dou sa bula mai na mate kei na veitikimudou vua na Kalou, me caka kina na ka dodonu. Roma 6:11-13
  • O koya oqo, au sa vakamamasu vei kemudou na veiwekani, ena vuku ni Nona loloma levu na Kalou, mo dou cabora na yagomudou mei madrali bula, me ka tabu, me rawa ni ciqoma na Kalou, ka me nomudou i soro vakayalo. Dou kakua ni vakatatamuria na bula vakavuravura, ia mo dou veisau ga ni sa vakavoui tiko na nomudou vakasama, ka mo dou kila kina na loma ni Kalou, sa yaga, ka vinaka, ka uasivi sara. Roma 12:1,2
  • Ni sa volai: "Me vaka au sa bula, sa tukuna na Turaga, ena tekiduru vei Au na duru vakayadua ga, kei na yame kecega ena vakatutusa vua na Kalou." Oi keda yadudua eda na dui solia nai tukutuku, ni veika eda cakava ena vukuna vua na Kalou. Roma 14:11,12
  • Dou sega tiko beka ni kila o ira kece na sega ni yalododonu, era na sega ni rawata na matanitu ni Kalou? Dou kakua ni vakalialiai kemudou: O ira sa tiko vata ni se bera na vakawati, o ira na dauqaravi matakau, o ira na veibutakoci (dauyalewa, dautagane) o ira na veiwatini vakatagane kei na veiwatini vakayalewa, o ira na veilasami ga vakatagane, O ira na daubutako, o ira na daukocokoco, o ira na daumateni kei ira na dau veivakasewasewani, o ira sa vaka oqo, era na sega ni rawata na matanitu ni Kalou. Na nomudou bula e vaka tu o ya e liu. Ia oqo dou sa vakasavasavataki ka vakavoui mai, ia dou sa qai vakadonui ena vuku ni yaca i Jisu na noda turaga kei na Yalo Tabu ni Kalou. 1 Koronica 6:9-11
  • E sega ni dua na ka me tabu vei au, ia e levu na ka e sega ni yaga vei au. E dina mada ga ni'u rawa ni vakayagataka kece, ia au sega ni vinakata ga me dua na ka oqo me mai lewai au. 1 Koronica 6:12
  • E sega beka ni dou sa kila oti, ni yagomudou sa vale ni Yalo Tabu ka sa dau curumi kemudou, ni o koya na kalou sa vakatikora e yalomudou, e sega ni dodonu kina mo dou veitaliataka na yagomudou? 1 Koronica 6:19
  • E sega ni dua na veivakatovolei me yaco vei kemudou me se bera mada ni tarai kemudou; ia sa yalodina na Kalou, ena sega ni rawa ni dou rawata, ia na veivakatovolei kece ena dau vakarautaka o koya na kena sala, me lako curumi kina ena bula e vosota. 1 Koronica 10:13
  • Na dauvuvu, na daulaba, na daumateni, na daumarau vakalialia, kei na veika sa vaka kina; na veika oqo au sa tukuna oti vei kemudou, ni o ira kece era cakava tiko na veika oqo, era na sega ni rawata na matanitu ni Kalou. Na dauyalomalua, na dauyalomalumalumu. Na veika oqori sa sega ni ia kina na cudruvi ena vunau. Kalatia 5:21,23
  • Dou kakua ni mateni ena waini, dou na cakava kina eso nai tovo vakasisila; ia mo dou vakasinaiti ga ena Yalo Tabu, Efeso 5:18
  • Sa rauta mada na nomu gunuva tikoga na waidroka, ia mo tovolea talega vakalailai na waini, ena vuku ni leqa ni ketemu kei na malumalumu edau yacovi iko tiko. 1 Timoci 5:23
  • E sega ni mai bula tiko o koya e vuravura ena nona bula taucoko, me baleta na gagadre ca ka tu vei keda na tamata, ia ena vuku ga ni lewa ni Kalou. Vei keda, eda a bula tu mai ena dua na gauna ena bula vakasisila ka tekivu sara mai vei ira noda qase – eda a dauvakacaca, dau gagadre ca, dau mateni, dau veivala, dau marau vakalialia, dau qarava na ka buli. Na ka oqo, era vosavakacacataki kemudou kina, ni ra sega ni raica mo dou bulataka na bula era vakayacora tiko. Ka era na tu taucoko, ena matai Koya ena lewai ira na bula kei ira na mate, ka mera na vakatusai ira vua. Ena vuku ni ka oqo, ea laki vunautaki kina nai tukutuku vinaka vei ira na mate, ni ra na lewai talega ena vuku ni nodra i valavala; ka tautauvata kei ira na bula tiko, ia mera bula vua na Kalou ena yalodra. Ia sa voleka sara nai vakataotioti; o koya mo dou gumatua sara ka dau yadrava na masumasu. 1 Pita 4:2-7
  • Kevaka eda tukuna ni sega na noda i valavala ca, eda vakaisini keda tikoga, a sa sega ni tu vei keda na dina. Kevaka eda sa vakatusa na noda i valavala ca, sa yalodina ka yalododonu o Koya me vosota ka bokoca na noda i valavala ca, ka vakasavasavataki keda mai na ka kecega sa sega ni dodonu. 1 Joni 1:8,9